Óńirde balalardyń 30 paıyzy ǵana turaqty sportpen aınalysady - Ábilqaıyr Sqaqov
PAVLODAR. QazAqparat - Óńirlik tamyz konferentsııasynda oblys ákimi Ábilqaıyr Sqaqov bilim salasynda, onyń ishinde sportqa qatysty qandaı ózgerister bolatynyn aıtty, dep habarlaıdy QazAqparat Pavlodarnews.kz-ke silteme jasap.
- Bizde jyl saıyn ásker qataryna shaqyrylýǵa tıis 18 jastaǵy 26 myń jas bolady. Biraq áreń degende olardyń 1400-i shaqyrylady. Ásker qataryna qabyldaý maýsymy qysymmen ótedi. Іriktep alý qıyn. Óıtkeni, densaýlyqtary jaramaı jatady. Salmaǵy men boıynyń uzyndyǵy sáıkes kelmeýinen bastap, túrli aýrýlar bar. Budan sportpen shuǵyldanýdyń qanshalyqty mańyzdy ekenin bilemiz. Qazir óńirimizde buqaralyq sportty damytýdyń tujyrymdamasyn ázirleýdemiz, - dedi Ábilqaıyr Sqaqov.
Aımaq basshysy balalar men jasóspirimder sportynda jan basyna qarjylandyrý arqyly úıirmeler ashý baǵdarlamasy paıda bolǵanyn atap ótti. Bul ata-anaǵa da, balaǵa da, jattyqtyrýshyǵa da tıimdi.
Biz kásiptik sporttan aqshany alyp buqaralyq sportqa baǵyttadyq. Búginde oblystaǵy balalardyń 30-dan aspaıtyn paıyzy turaqty sportpen aınalysady. ıAǵnı, 70 paıyzynyń sportpen múldem qatysy joq. Al, olarda bolashaqta densaýlyq boıynsha máseleler týyndaıdy. Qazir buqaralyq sportpen 2 myń bala shuǵyldanatyn bolsa, biz 2025 jyly 18 myńǵa jetkizýdi kózdep otyrmyz, - dedi Ábilqaıyr Sqaqov.
SonÁbilqaıyr Sqaqov oblystaǵy bilim salasyn damytý úshin qoldanylatyn sharalardy aıtty.
- Aldymen bilim alýǵa yńǵaıly orta qalyptastyrý qajet. Sosyn bilim alý uıymdaryna qoljetimdilikti qamtamasyz etý kerek. Sporttyq úıirmelerge de solaı bolýy tıis. Aldaǵy 3 jylda barlyq mektepterdiń stadıondaryn kópfýnktsııaly etpekpiz. Stadıondar tek balalar ǵana emes, úlkenderge de qoljetimdi bolady. Sondaı-aq ІT tehnologııalardy jetildirýdi ustanamyz, - dedi oblys ákimi.
Aımaq basshysynyń aıtýynsha, bul úshin oblystyq ákimdik tarapynan barlyǵy jasalady. Óıtkeni, myqty ekonomıka úshin myqty kadrlar qajet. Al, myqty kadrlar balabaqshadan bastap tárbıelenedi.
