Óńirde áleýmettik mańyzdaǵy taýarlardyń jetkilikti qory bar - Ermek Marjyqpaev

NUR-SULTAN. QazAqparat – Aqmola oblysynyń ákimi Ermek Marjyqpaev óńirde áleýmettik mańyzdaǵy taýarlar baǵasyn turaqtandyrý týraly aıtty, dep habarlaıdy QazAqparat tilshisi.

«Áleýmettik mańyzdaǵy taýarlarǵa baǵany turaqtandyrý aıasynda óńirdegi jergilikti taýar óndirýshilerge 1,1 mlrd teńgege azyq-túlik taýarlarynyń 7 túri boıynsha zaım berildi. Baǵany turaqtandyrý tetigin ary qaraı iske asyrý úshin bıyl oblystyq bıýdjetten 600 mln teńgeden astam bólindi», - dedi E. Marjyqpaev Ortalyq kommýnıkatsııalar qyzmetinde.

Onyń aıtýynsha, oblys ortalyǵynda «KOKSHE MARKET» áleýmettik pavılondar jelisi keńeıip keledi. Onda turaqtandyrý qorynyń taýarlary naryq qunynan 10-15 paıyzǵa tómen baǵamen satylady.

«Óńirde áleýmettik mańyzdaǵy azyq-túlik taýarlarynyń jetkilikti qory bar. Kún saıyn bul baǵytta monıtorıng júrgizilip keledi, sondaı-aq saýda ústemesine qatysty sýbektilerge túsindirý jumystary júrigizilip jatyr», - dedi ákim.