Óńiraralyq yntymaqtastyqtyń XV forýmynda birqatar qujattarǵa qol qoıyldy
Atap aıtqanda, Elbasy Nursultan Nazarbaev pen RF Prezıdenti Vladımır Pýtın Qazaqstan men Reseıdiń 2019-2021 jyldarǵa arnalǵan birlesken is-qımyl josparyna qol qoıdy.
QR Premer-Mınıstriniń birinshi orynbasary Asqar Mamın men RF Ekomıkalyq damý mınıstri Maksım Oreshkın eki el úkimetteri arasyndaǵy óńiraralyq jáne shekara mańy yntymaqtastyǵynyń 2018-2023 jyldarǵa arnalǵan baǵdarlamasyn iske asyrý boıynsha is sharalar josparyn jáne óńirlik bastamalar tizbesin bekitti.
Budan bólek, QR Ulttyq ekonomıka mınıstrligi men RF Ekonomıkalyq damý mınıstrligi «Qazaqstan-Reseı shekara mańy yntymaqtastyǵy baǵdarlamasyn daıyndaý jáne iske asyrý nıeti týraly» memorandýmǵa qol qoıdy.
Sonymen qatar, eki el arasynda «Týrızm salasyndaǵy ózara túsinistik pen yntymaqtastyq týraly» memorandým bekitildi.
QR Qorǵanys jáne aeroǵarysh ónerkásibi mınıstri Beıbit Atamqulov pen «Roskosmos» Ǵaryshtyq qyzmeti boıynsha memlekettik korporatsııanyń Bas dırektory Dmıtrıı Rogozın «1994 jylǵy 10 jeltoqsandaǵy QR Úkimeti men RF Úkimeti arasyndaǵy Baıqońyr keshenin jalǵa berý shartyna ózgeris engizý týraly» hattamaǵa qol qoıdy.
Munymen qosa, QR Úkimeti men RF Úkimeti arasyndaǵy Qazaqstannyń jáne Reseıdiń shekara mańyndaǵy aýmaqtary turǵyndarynyń «Qazaqstan-Reseı memlekettik shekarasyn kesip ótý tártibi týraly» kelisimge ózgerister men tolyqtyrýlar engizi jónindegi hattama bekitildi.
