Óńiraralyq kóshi-qonnyń oń aıyrymy Mańǵystaý, Qaraǵandy, Atyraý oblystarynda qalyptasty
ASTANA. QazAqparat -2014 jylǵy qańtar-qazanda AHAT organdary 135,1 (141,6) myń neke qııý týraly akti jazbasyn usyndy. Bul týraly QR Ulttyq ekonomıka mınıstrligi Statıstıka komıtetinen habarlady.
«Kóshi-qon polıtsııasy organdary usynǵan kelý/ketýdi statıstıkalyq esepke alý talondaryndaǵy málimetterdi óńdeý nátıjesinde, 2014 jylǵy qańtar-qazanda elimizge turǵylyqty turýǵa kelgenderdiń tirkelý sany (kóship-qonýshylar) 2013 jylǵy qańtar-qazanmen salystyrǵanda 30,7 paıyzǵa kemip, 13 769 adamdy qurady. Elimizden ketken mıgranttardyń tirkelý sany 18,3 paıyzǵa kóbeıip, 24 337 adamdy qurady. Kóshi-qonnyń aıyrymy -10568 adam boldy»,-delingen komıtet málimetinde.
Atap aıtqanda, elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi, tıisinshe, 88,4 paıyzdy jáne 90,1 paıyzdy qurady.
Qarastyrylyp otyrǵan kezeńde 2013 jylǵy sáıkes kezeńimen salystyrǵanda el ishinde kóship-qonýshylar sany 57 316 adamǵa nemese 20,5 paıyzǵa kóbeıip, 337321 adamdy qurady. «Óńiraralyq kóship-qonýshylardyń úlesine elimizdiń jalpy ishki kóshi-qon sanynyń 43,8 paıyzy tıesili. Óńiraralyq kóshi-qonnyń oń aıyrymy Almaty (17 481 adam), Astana (15 528 adam), qalalarynda jáne Mańǵystaý (868 adam), Qaraǵandy (630 adam), Atyraý (339 adam) oblystarynda qalyptasty», delingen statıstıka málimetterinde
