Óńiraralyq qonys aýdarý boıynsha Astana birinshi orynda tur
ASTANA. 14 tamyz. QazAqparat - 2012 jyldyń qańtar-maýsymynda ótken jyldyń osy kezeńimen salystyrǵanda Qazaqstanǵa kóship kelgender sany 1396 adamǵa ıaǵnı 8,0%-ǵa azaıyp, 16040 adamdy quraǵan.
Bul týraly baspasóz máslıhatynda sóz sóılegen QR Statıstıka agenttiginiń tóraǵasy Álıhan Smaılov málimdedi.
Onyń bergen málimetterine qarasaq, Qazaqstannan ketkender sany da 597 adamǵa, ıaǵnı 4,6%-ǵa azaıyp, 12410 adamdy quraǵan.
«Elimizdegi negizgi kóshi-qon almasýy TMD memleketteri aýmaǵynda ótýde. TMD elderinen kelgender 13400 adam (83,5%) bolsa, sol elderge ketkenderdiń úlesi, 11737 adamdy (94,6%) quraǵan eken. 2012 jyldyń qańtar-maýsymynda el ishinde qonys aýdaratyn kóship-qonýshylar sany 3396 adamǵa nemese 2,0%-ǵa azaıdy jáne 163785 adamdy qurady. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 5 óńirinde baıqaldy, onyń ishinde mólsheri jaǵynan eń kóbi Astana (10092 adam) jáne Almaty (2977 adam) qalalarynda jáne Almaty oblysynda (3025 adam)», - dep atap ótti agenttiktiń tóraǵasy.
