Óńir jastarynyń basyn biriktiretin quryltaı da kerek – Ádilgereı Zulharov
Onyń aıtýynsha, Prezıdenttiń jańadan úsh oblys qurylyp, olarǵa Abaı, Jetisý jáne Ulytaý ataýy beriletini jóninde málimdeýi barsha halyqty qýantqan jańalyq boldy.
Shyn mánisinde Semeı óńiri qazaqtyń uly aqyny Abaıdyń týǵan jeri bolsa, Alataý baýraıyndaǵy Almaty aımaǵy Jetisý ataýymen urpaq jadynda saqtalyp keledi. Al Ulytaý – qazaq halqynyń tarıhynda erekshe oryn alatyn meken. Sol sekildi Qapshaǵaıǵa Qonaevtyń esimin berý týraly usynys ta oryndy. Tarıhı ataýlardy qaıtaryp, ulylar esimin ardaqtaý urpaq sanasyna oń áser etetini anyq.
Á.Zulharovtyń sózine qaraǵanda, elimizde memlekettik basqarý úrdisinde, zań shyǵarýshy organdarda kóptegen ózgerister bolatyny anyq. Prezıdent Joldaýyndaǵy jańa ıdeıalar men tapsyrmalardy oryndaý úshin Ata zańymyzǵa 30-dan astam ózgeris engizilip, jyl sońyna deıin 20 zań qabyldaý kerektigi aıtyldy. Naǵyz saıası jańarý osy bolmaq.
«Osy oraıda jańa Qazaqstandy qalyptastyrý jolynda jas býynnyń júgi qomaqty ekendigin sezinemiz. ıAǵnı jýyrda oryn alatyn ózgerister búgingi jastardyń jumys isteýine, bilim alýyna, keleshegine zor úmitpen qaraýyna tyń serpin bermek. Memleket basshysynyń bastamalaryn júzege asyrý úshin birlese jumys atqarýdyń mańyzy zor. Sebebi Prezıdent aıtqanyndaı, bizge syrttan kelip, eshkim kómektespeıdi. Joldaýdyń taǵy bir mańyzdy tusy, túrli sala ókilderiniń basyn qosqan qoǵamdyq keńestiń ornyna quryltaıdyń qurylýy. Jalpy, quryltaı sózi qazaq halqynyń ómirinde erekshe mańyzǵa ıe. Bul rette óńirdegi jastardyń basyn biriktiretin quryltaı qurylýy kerek dep esepteımin. Tek ol jandy da yqpaldy bolýy qajet. Sondyqtan jastar ókilderin jınap, osy jolda is tyndyratyn bolamyz», dedi Á.Zulharov.
Eske sala keteıik, budan buryn general-maıor Álibek Serálıevtiń qazir táýelsizdigimiz ben konstıtýtsııalyq qurylymymyzdy nyǵaıtatyn ýaqyt ekendigi týraly aıtqanyn jazǵan bolatynbyz.
