Óńir ákimderi monıtorıng toptarynyń jumysyn kúsheıtýi qajet - Alekseı Tsoı

NUR-SULTAN. QazAqparat – Óńir ákimderi monıtorıng toptarynyń jumysyn kúsheıtýi qajet. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«TMD elderinde jáne álemniń keıbir memleketterinde oryn alyp otyrǵan aýrý ósimi buqaralyq jıyndardy ótkizýge arnalǵan qoldanystaǵy shekteý is-sharalaryn, sonymen qatar aldyn alýdyń negizgi is-sharalaryn, atap aıtqanda maska taǵýdy, araqashyqty saqtaýdy bosańsytpaýdy taǵy bir márte dáleldep otyr», - dedi Alekseı Tsoı.

Osyǵan oraı ol óńir ákimderi monıtorıng toptarynyń jumysyn kúsheıtýi qajettigin basa aıtty.

«Aýrý deńgeıin tómendetýdiń negizgi is-sharalarynyń biri – bul vaktsınatsııa. Osyǵan oraı óńirler vaktsınatsııa qarqynyn arttyrý boıynsha is-sharalar qabyldaýy qajet», - dedi Alekseı Tsoı.