Onymen eshkim judyryqtasqysy kelmeıdi: Jánibektiń qarsylasy málimdeme jasady
ASTANA. KAZINFORM — Jeńilip kórmegen danııalyq boksshy ıAkob Bank qazaqstandyq Jánibek Álimhanulymen álem chempıony ataǵy úshin jekpe-jek ótkizý múmkindigine ıe bolǵannan keıin WBO uıymyna qatysty pikirin bildirdi, dep habarlaıdy INFORMSPORTS.
Banktiń aıtýynsha, ol shamamen bir jyl boıy WBO reıtınginde ekinshi orynda turǵan jáne chempıondyq belbeý úshin judyryqtasýǵa múmkindik alady dep úmittengen. Alaıda uıymnyń keıbir sheshimderinen keıin mundaı múmkindikke degen senimi azaıa bastaǵan.
- WBO reıtınginde bir jylǵa jýyq ýaqyttan beri úmitkerler arasynda ekinshi oryndamyn. Men daıyn boldym. Al Hamza osy aralyqta reıtınginiń úshinshi jáne besinshi nómirlerimen judyryqtasty. Sondyqtan olardyń osyndaı ustanymmen áreket etip jatqanyn kórip, álem chempıony ataǵy úshin jekpe-jekke shyǵa alatynyma degen senimimdi joǵalta bastadym. Bul sporttyq qaǵıdalarǵa múldem saı kelmedi. Biz tipti WBO-dan tolyqtaı bas tartyp, WBC baǵytyna aýysýǵa sheshim qabyldaǵan edik. Biraq keıin Jánibekpen jekpe-jek ótkizý múmkindigi paıda boldy. Árıne, men bul múmkindikti paıdalanamyn. Men álem chempıony bolǵym keledi jáne oǵan aparatyn ońaı jol bar dep oılamaımyn. Onymen eshkim judyryqtasqysy kelmeıtin Jánibek bola ma, álde basqa boksshy ma – álem chempıony ataný kez kelgen balanyń eń úlken armany, – dedi Bank.
Danııalyq boksshy aldaǵy kezdesýdiń qanshalyqty qıyn bolatynyn túsinetinin atap ótti. Soǵan qaramastan, ol basty maqsaty – álem chempıony ataný úshin Álimhanulymen rıngke shyǵýǵa daıyn.
Jánibek Álimhanuly men ıAkob Bank arasyndaǵy jekpe-jek WBO tujyrymy boıynsha sýper orta salmaqtaǵy vakantty álem chempıony ataǵy úshin ótýi tıis. Kezdesýdiń naqty kúni men ótetin orny ázirge jarııalanǵan joq.
Eki boksshy da kásipqoı rıngte áli jeńilip kórmegen. Jánibek Álimhanuly 17 kezdesý ótkizip, barlyǵynda jeńiske jetken, onyń 12-sin nokaýtpen aıaqtaǵan. Al ıAkob Bank 20 jekpe-jektiń barlyǵynda jeńiske jetip, 11 qarsylasyn merziminen buryn toqtatqan.
Aıta ketelik Jánibek Álimhanuly tıtýldyq jekpe-jegine qatysty málimdeme jasaǵan edi.
