«Ónimdilik 2020» baǵdarlamasy sheńberinde 53 ınvestıtsııalyq jobaǵa qoldaý kórsetildi
ASTANA. 26 maýsym. QazAqparat - 20 maýsymdaǵy jaǵdaı boıynsha «Ónimdilik 2020» baǵdarlamasyna Qazaqstannyń 15 óńirinen 53 ınvestıtsııalyq joba engizilgen. Bul týraly «Qazaqstandyq ındýstrııany damytý ınstıtýty» AQ baspasóz qyzmetinen habarlandy.
Osylaısha, 2013 jyly baǵdarlamaǵa 2 joba enip otyr. Bular - «FosTech Data» JShS «Talshyqty-optıkalyq kabel óndirisi boıynsha zaýytty keńeıtý» jáne jylyna 35 myń sharshy metr qýattylyǵy bar «JMZ-Shapaǵat» JShS «Úı qurastyratyn kombınat qurylysy».
Sonymen qatar, ınstıtýt málimeti boıynsha, baǵdarlamany júzege asyrýdyń barlyq kezeńinde jobalardyń jalpy quny 154,3 mlrd. teńgeni, 2013 jyly - 1,8 mln teńgeni qurady.
Jalpy alǵanda qurylys materıaldarynyń ındýstrııasy salasyndaǵy 16 joba, mashına jasaýdaǵy 14 joba, AÓK-niń 6 jobasy, hımııanyń 5 jobasy, sonymen qatar farmatsevtıkalyq ónerkásibindegi 4 joba, aǵash óńdeıtin - 4, energetıkada - 3 joba, metallýrgııada - 2 joba maquldanǵan.
Budan ózge, búgingi tańda «Qazaqstandyq ındýstrııany damytý ınstıtýty» AQ-da qurylys materıaldary ındýstrııasynyń 2 jobasy - «KSS Astana» JShS jáne «SAS-Tobe Technologies» JShS, sonymen qatar mashına jasaýdyń 1 jobasy «Saga Atash» JShS qaraýda jatyr», - delingen baspasóz habarlamasynda.
