Ónertapqyshtar qarjylandyrý úshin qaıda júginýi kerek –komıtet
«Qazaqstan» ulttyq arnasyndadaǵy «Ashyq alań» qoǵamdyq-saıası tok-shoýynda spıkerge «Ónertapqyshtar óz jańalyqtaryn qarjylandyrý úshin ınvestıtsııa tartqysy kelse, aldymen qaıda júginýi kerek?» degen suraq qoıyldy.
«Bıyl biz Tikeleı ınvestıtsııalar qoryn ashtyq. Ol qordyń jalpy kapıtalızatsııasy 370 mlrd teńgeni qurady. Alǵashqy ýaqytta qorǵa 70 mlrd teńge saldyq. Sol qor Eýropa qaıta qurý jáne damý bankimen birlesip, 5 mlrd dollardy sol baǵytqa jumsap jatyr. Eger ónertapqyshtar men kásipkerler ınnovatsııalyq jobalardy júzege asyrǵysy kelse, alaıda qarajaty jetpese, qorǵa habarlasa alady. Sonymen birge, «Bıznestiń jol kartasy – 2020» baǵdarlamasy keńinen taraǵan. Sol baǵdarlamanyń bir baǵyty – ınnovatsııalyq granttar berý. Onda 3 mlnǵa deıin ınnovatsııalyq granttar beriledi, qazir onyń kólemi artty», - dedi L. Jumaǵalıeva.
Eske sala ketsek, Elbasy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýynda «Іri ári serpindi jobalardy júzege asyrý úshin sheteldik ınvestorlarmen birlesip ınvestıtsııa salý qaǵıdaty boıynsha jumys isteıtin Shıkizattyq emes sektorǵa bólinetin tikeleı ınvestıtsııa qoryn qurýdy tapsyrǵan bolatyn.
QR Úkimet basshysy Asqar Mamın Tikeleı ınvestıtsııalar qory kompanııasynyń dırektorlar keńesin basqarady.
