«Ónerli otbasy» shyǵarmashylyq baıqaýynyń jeńimpazdary marapattaldy
KÓKShETAÝ. QazAqparat - Aqmola oblysynda otbasylar arasynda ótken «Ónerli otbasy» shyǵarmashylyq baıqaýynyń jeńimpazdary marapattaldy, dep habarlaıdy QazAqparat tilshisi «Qoǵamdyq kelisim» mekemesiniń baspasóz hatshysyna silteme jasap.
Qazaqstan halqy Aqmola assambleıasy men Aqmola oblysy ákimi apparaty janyndaǵy «Qoǵamdyq kelisim» mekemesi birlesip uıymdastyrǵan sharaǵa Kókshetaý qalasy, Krasnyı ıAr aýyly, Zerendi jáne Býrabaı aýdandarynan kelgen dostyǵy berik, shyǵarmashyl otbasylar qatysty.
Ár otbasy ózderin este qalarlyqtaı etip, óte erekshe tanystyrdy. Biri óz otbasy jaıly beınebaıan jáne vıdeorolık daıarlasa, endi biri otbasylyq qundylyqtar men dástúrler týraly kórkem tilmen aıtyp berdi.
Basty erekshelik - bir úlken áýlette ómir súretin birneshe býyn ókilderiniń barlyǵy qatysýy boldy.
Baıqaýǵa Aqmola óńiriniń shynaıy patrıottary Meırambek pen Zere Qıyqovtar, dástúrli qazaq ánderiniń oryndaýshysy Kenjebaı Muqyshev, Dostyq úıiniń vokaldy ansambl ujymynyń jetekshisi Iraıda Permıakova jáne qalalyq «Kókshetaý» gazetiniń tilshisi Gákký Sátpaeva qazylyq etti.
Baıqaý nátıjesinde «Jasampaz otbasy» atalymy boıynsha Kókshetaý qalasyndaǵy Syzdyqovtar otbasy, «Berekeli otbasy» atalymy boıynsha kókshetaýlyq Ibraevtar otbasy, «Birligi jarasqan otbasy» atalymy boıynsha Krasnoıar aýylynda turatyn Jamılahyn otbasy, al «Ónegeli otbasy» atalymyna zerendilik Ulataı otbasy laıyq dep tanyldy.
Qazylar alqasynyń sheshimimen «Ónerli otbasy» atalymyna Býrabaı aýdanynan kelgen Jaqypovtar otbasy ıe boldy.
«Qoǵamdyq kelisim» KMM mádenı-buqara bóliminiń basshysy, otbasylar arasyndaǵy shaǵyn festıvaldiń mádenı baǵdarlamasynyń avtory jáne rejısseri Naılıa Seıdalına, atalmysh sharaǵa qatysqan jas ónerpazdardy daıyndaý isine QR eńbek sińirgen ártisi Bısara Mákenovanyń qosqan zor úlesin atap ótti.
Shyǵarmashyl otbasylardyń oryndaýyndaǵy án men bı, ata-ana men balanyń birigip oqyǵan óleńderi - bunyń barlyǵy keshtiń kóńildi, mándi de maǵynaly ótýine negiz boldy.
