Ónerkásiptik kásiporyndarda 6,9 myń jańa jumys orny ashyldy

ASTANA. KAZINFORM - Jyl basynan beri elimiz boıynsha 570 mlrd teńgege 40 jańa joba paıdalanýǵa berildi, 6,9 myń turaqty jumys orny ashyldy, dep habarlaıdy QR Úkimetiniń baspasóz qyzmeti. 

2024 jyldyń sońyna deıin 17,4 myńǵa jýyq turaqty jumys ornyn asha otyryp, shamamen 1,4 trln teńgege 180-ge jýyq jobany iske qosý josparlanýda, onyń ishinde kelesi jobalar boıynsha: 

• Pavlodar oblysynda 800 jumys ornyna arnalǵan ferroqorytpa zaýyty, ınvestıtsııa kólemi 92,4 mlrd teńgeni, jobalyq qýaty jylyna 240 myń tonna ferrosılıtsııdi quraıdy;

• Qostanaı oblysynda 360 jumys orny bar, shoıyn quıý arqyly júk avtomobılderiniń komponentterin shyǵaratyn zaýyt, ınvestıtsııa kólemi 78,2 mlrd teńge, jobalyq qýattylyǵy jylyna 45 myń tonna;

• Almaty oblysyndaǵy «Buǵyty» volfram ken oryndaryn ónerkásiptik ıgerý, ınvestıtsııa kólemi 135 mlrd teńge, 350 jumys orny, jylyna 3,3 mln tonna ken óndirý jáne óńdeý, jylyna 10 myń tonna kontsentrat alý, WO3 kontsentraty — 65%;

• Almaty oblysynda 220 jumys ornyna arnalǵan jylý oqshaýlaǵysh materıaldar shyǵaratyn zaýyt, ınvestıtsııa kólemi 43,9 mlrd teńge, ónimdiligi — jylyna 1,4 mln tekshe metr tas maqta jáne jylyna 400 myń tekshe metr polımerli oqshaýlaý;

• Jyljymaly temir jol quramy úshin serippeler shyǵaratyn zaýyt, ınvestıtsııa kólemi 1,1 mlrd teńge, 51 jumys orny, jobalyq qýaty zattaı túrde — jylyna 298,5 myń dana.

Barlyq jobalar tolyq qýatyna shyqqan kezde olardyń óndiris kólemi shamamen 1,8 trln teńgeni, onyń ishinde eksportqa – 0,4 trln teńgeni, ımportty almastyrýǵa – 1,4 trln teńgeni quraıdy.