Ónerkásiptegi jasandy ıntellekt: BQO-da tsıfrlandyrý múmkindikteri tanystyryldy
ASTANA. KAZINFORM – QR Ónerkásip jáne qurylys mınıstrliginiń qoldaýymen «QazIndustry» qazaqstandyq ındýstrııa jáne eksport ortalyǵy» AQ ónerkásip sektoryn tsıfrlandyrý jáne óndiris úderisterine jasandy ıntellektini engizý baǵytyndaǵy onlaın-semınarlar ótkizýdi jalǵastyryp jatyr.
QazIndustry-diń kezekti semınary bıylǵy 3 naýryz kúni Batys Qazaqstan oblysynyń kásiporyndary úshin uıymdastyryldy. Іs-sharaǵa metallýrgııa salasyndaǵy kásiporyndar, sondaı-aq óńirlik kásipkerler palatasy men BQO kásipkerlik jáne ındýstrııalyq-ınnovatsııalyq damý basqarmasynyń ókilderi qatysty.
Kezdesýde ónerkásip salasyn tsıfrlyq transformatsııalaý baǵytyndaǵy sharalar, Jol kartasyn iske asyrý barysy, kásiporyndardyń jumysyna tsıfrlyq tehnologııalardy, sonyń ishinde jasandy ıntellektke negizdelgen sheshimderdi engizý máseleleri jáne bıznesti memlekettik yntalandyrý sharalary talqylandy.
Tsıfrlyq transformatsııalaý dırektsııasynyń mamany Aınur Ahtanova, QazIndustry ortalyǵynyń óndiristi tsıfrlyq transformatsııalaýǵa baǵyttalǵan kásiporyndardy qoldaý jónindegi jumysy jaıynda aıtyp berdi. Bul jumystarǵa saraptamalyq qyzmetter kórsetý, vebınarlar ótkizý, pılottyq jobalardy iske asyrýǵa járdemdesý, sondaı-aq tsıfrlyq fabrıkalardy damytý baǵyttary kiredi.
– Byltyr bizdiń sarapshylar bıznes úshin tsıfrlandyrý boıynsha 23 usynym ázirledi, 14 vebınar ótkizdi jáne jetekshi kompanııalarda qanatqaqty jobalarǵa bastamashylyq etti. Tsıfrlyq quraldardy qoldanatyn qazaqstandyq kásiporyndardyń úlesi 19 paıyzǵa deıin artty. Jol kartasyn iske asyrý jumysy jalǵasýda. Qujatta 11 iri kásiporynda júzege asyrý kózdelgen 41 joba qamtylǵan, - dep atap ótti Aınur Ahtanova.
Onlaın-kezdesý aıasynda bıznesti memlekettik yntalandyrý sharalary tanystyryldy. Bul baǵyt týraly QazIndustry AQ Bıznesti yntalandyrý dırektsııasynyń bas sarapshysy ıAsın Saılaýqyzy baıandady.
– Biz kásiporyndardyń eńbek ónimdiligin arttyrýǵa jáne ónimdi ishki naryqqa ilgeriletýge baǵyttalǵan shyǵyndarynyń bir bóligin óteımiz. Ótken jyly Ortalyq arqyly kásiporyndarǵa 1,4 mlrd teńgeden astam ótemaqy berildi. Qarajattyń basym bóligi tehnologııalyq jabdyqtardy satyp alýǵa, onyń ishinde tsıfrlyq tehnologııalardy engizýge jumsalǵan shyǵyndardy óteýge baǵyttaldy, - dedi ıAsın Saılaýqyzy.
Batys Qazaqstan oblysy kásiporyndarynyń ókilderi vebınar taqyryptaryna qyzyǵýshylyqtaryn tanytyp, qazirgi jaǵdaıda óndiriste tsıfrlyq sheshimder men jasandy ıntellektini engizýdiń mańyzdylyǵyn atap ótti. Ónerkásip ókilderi óz suraqtaryna jaýap alyp, memlekettik yntalandyrý sharalaryn paıdalaný múmkindigin nazarǵa aldy.
Buǵan deıin memlekettik qyzmette tsıfrlandyrý men kadrlyq irikteýdiń jańa kezeńi bastalǵanyn jazǵan edik.