Ónerkásip jáne qurylys mınıstrligine hakerlik shabýyl jasalyp jatyr

ASTANA. KAZINFORM - Alaıaqtar memlekettik mekeme qyzmetkerlerin Qurylys jáne turǵyn úı-kommýnaldyq sharýashylyq isteri komıteti, QR Ónerkásip jáne qurylys mınıstrligi basshylyǵynyń atynan jazyp, aldaýda.

Ol úshin alaıaqtar jalǵan akkaýnttardy jasaıdy. Olar óte senimdi kórinedi jáne qyzmetkerlerdiń naqty derekterin qamtıdy: tegi, aty, ákesiniń aty, sýreti. Alaıaqtar qupııa aqparatty berý maqsatynda yqtımal jábirlenýshini azǵyrýǵa tyrysady.

«Qurylys jáne turǵyn úı-kommýnaldyq sharýashylyq isteri komıteti qyzmetkerlerdiń resmı máselelerdi sheshý úshin qoǵamdyq messendjerler men áleýmettik jelilerdi paıdalanbaıtynyn eskertedi. Mundaı alaıaqtyq faktileriniń barlyǵy quqyq qorǵaý organdaryna habarlanýy tıis», — dep eskertti vedomstvodan.

Eger siz kúdikti qońyraýlardy nemese habarlamalardy, sonyń ishinde áleýmettik jeliler arqyly alynǵandardy alsańyz, kelesi áreketterdi oryndaý usynylady:

— Habarlamanyń negizgi kózin tekserińiz: habardyń shynaıylyǵyna kúmándansańyz, resmı veb-saıttarda kórsetilgen resmı kontaktiler arqyly boljamdy jiberýshige habarlasyńyz.

— Kúdikti siltemelerdi baspańyz: alaıaqtar derekterińizge qol jetkizý úshin fıshıngtik siltemelerdi jıi paıdalanady.

— Jeke derektermen bólispeńiz: eshqashan jeke aqparatty, qupııa sózderdi nemese banktik derektemelerdi messendjerler arqyly bólispeńiz.

— Kúdikti kontaktilerdi bloktaý: kúdikti habar alsańyz, kontaktini bloktańyz.