Ónerkásip salasy 2030 jylǵa deıin qaıta paıdalanatyn sý úlesin 50 paıyzǵa jetkizýi kerek – Sý mınıstri

ASTANA. KAZINFORM –  Sý resýrstary jáne ırrıgatsııa mınıstri Nurjan Nurjigitov elimizde sýdy qaıtalap paıdalanýdyń deńgeıin qandaı jolmen arttyratynyn aıtty.

«Taǵy bir mańyzdy másele – el ekonomıkasynyń sektorlarynda sý resýrstaryn qaıta paıdalaný. Ekonomıka salalarynyń qajettilikterin qanaǵattandyrý úshin jyl saıynǵy sý tutyný shamamen 25 tekshe shaqyrym. Onyń 65%-y (14,2 tekshe shaqyrymy) aýyl sharýashylyǵynyń qajettilikterine, 25%-y (5,9 tekshe shaqyrymy) ónerkásiptiń qajettilikterine, al 4,3%-y (1,3 tekshe shaqyrymy) kommýnaldyq-turmystyq qajettilikterge jumsalady», - dedi ol.

Vedomstvo basshysynyń aıtýyna qaraǵanda, respýblıkanyń ónerkásip sektory jylyna orta eseppen 5,9 tekshe shaqyrym taza sý tutynady. Ónerkásipti aınalymdaǵy sýmen jabdyqtaý kórsetkishteri jylyna orta eseppen 9 tekshe shaqyrymǵa jetedi. Al qaıta sýmen jabdyqtaý kólemi 1 tekshe shaqyrym kóleminde.

«Osylaısha, ónerkásip oryndary alatyn 5,9 tekshe shaqyrym jalpy taza sýdyń 17%-yn qaıta paıdalanady jáne biz 2030 jylǵa qaraı bul kórsetkishti 50%-ǵa deıin jetkizýdi josparlap otyrmyz», - dedi Nurjan Nurjigitov.