Ónerkásip mınıstri Saran qalasyndaǵy turmystyq tehnıka óndirisin kórsetýge ýáde berdi
ASTANA. KAZINFORM — Ónerkásip jáne qurylys mınıstri Ersaıyn Naǵaspaev kelesi aıda Saran qalasyndaǵy turmystyq tehnıka óndirisin kórsetýge ýáde berdi.
Óz kezeginde Ónerkásip komıtetiniń tóraǵasy Azamat Panbaev elimizde 260 myń turmystyq tehnıka óndirilgenin aıtap ótti.
− Jalpy byltyr elimizde 260 myń turmystyq tehnıka óndirilgen. Sonyń 180 myńy Saran qalasynda óndirildi. Odan bólek, Almaty turmystyq tehnıka zaýyty jáne DS Multimedia atty Almatydaǵy qytaılyq teledıdar óndirisimen aınalysatyn kásiporyn bar. Munyń bári dúken sórelerinde tur. Al Almaty turmystyq tehnıkasy Dauscher degen atpen belgili, Saran qalasyndaǵy óndiris Ózbekstanmen birlesken brend ataýymen shyǵarylady, − dedi Ónerkásip jáne qurylys mınıstrligi Ónerkásip komıtetiniń tóraǵasy Azamat Panbaev Úkimette ótken brıfıngte.
Aıta keteıik, ótken jyly Qazaqstanda turmystyq tehnıka, jıhaz, qaǵaz óndirisi artqan.
Tamyz aıynda Qasym-Jomart Toqaev Saran qalasynda turmystyq jáne elektr tehnıkasyn shyǵaratyn Silk Road Electronics kásipornyna barǵan edi.