Ónerkásiptik saıasat jónindegi vedomstvoaralyq komıssııa qurylady - Atamqulov

NUR-SULTAN. QazAqparat – Elimizde Ónerkásiptik saıasat jónindegi vedomstvoaralyq komıssııa qurylady. Bul týraly QR Parlamenti Senatynyń jalpy otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Birinshi - Ónerkásiptik saıasat jónindegi vedomstvoaralyq komıssııa qurý. Búgingi tańda ónerkásiptik saıasatty ártúrli memlekettik organdar iske asyrady. Onyń tıimdi júrgizilýi úılestirilgen is-qımyldarǵa baılanysty. Sondyqtan Premer-Mınıstrdiń orynbasary tóraǵalyq etetin Vedomstvoaralyq komıssııa qurylady, - dedi otyrysta Ónerkásiptik saıasat týraly» jáne oǵan ilespe zań jobasy týraly baıandama jasaǵan mınıstr.

Onyń atap ótýinshe, ekinshiden, bıznes problemalaryna ýaqytyly den qoıý úshin Úkimetke yntalandyrýdyń jańa is-sharalaryn bekitý jáne qoldanystaǵy is-sharalardy qaıta qaraý quzyreti beriledi.

«Úshinshiden, Memleket basshysynyń atyna engiziletin Qazaqstan Respýblıkasy ónerkásibiniń jaı-kúıi týraly ulttyq baıandamany Úkimet qalyptastyrady. Ol ónerkásiptik saıasatty josparlaý men qalyptastyrýdyń basty quraly bolady», - dedi Beıbit Atamqulov.