Ónerkásiptik revolıýtsııa resýrstardy tıimdi paıdalanýdan bastalady - Serik Seıdýmanov
Halyq qalaýlysy óndiristik revolıýtsııalardyń tehnologııalyq tóńkerister týyndatyp qana qoımaı, adam ómiriniń saltyna deıin ózgertetinin aıtty.
«Elbasy Joldaýynda tórtinshi óndiristik revolıýtsııa jaǵdaıyndaǵy jańa múmkindikter aıtylǵan. Memleket basshysy belgilegen ár mindet mańyzdy. Indýstrııalandyrý tehnologııalardyń damýymen tikeleı baılanysty. Agroóndiristik keshen - aqyldy tehnologııalarǵa táýeldi. Qurylys salasyn da tehnologııasyz damytý múmkin emes. Biz qazir tórtinshi revolıýtsııanyń jemisi Qazaqstanda birtindep engizilip jatqanyn kóre alamyz. Prezıdent osy tehnologııalardyń transfertin mańyzdy mindetter qataryna qosty. Osynyń arqasynda bizder eldiń resýrstyq múmkindigin tıimdi paıdalanatyn bolamyz», - dedi Serik Seıdýmanov.
Sonymen qatar, depýtat tehnologııany engizý protsesi basqa da Joldaýda kórsetilgen ózge de mindetter júzege aspaıynsha múmkin emestigin aıtty.
Onyń aıtýynsha, memlekettik basqarýdy jetildirý, adamı kapıtaldy damytý, zańnyń ústemdigin qamtamasyz etý, adam kapıtalyna basa nazar aýdarý, qoljetimdi baspana salý sııaqty máseleler burynǵy joldaýlardan da kórinis tapqan. Alaıda jańa Joldaýda jańa ýaqyt talabyna saı mindetter qoıylǵan.
«EKSPO nátıjesinde biz 106 jobany engizýimiz kerek. Bul jańa orta. Ázirge biz qoqysty qaıta óńdep jatqan joqpyz. Biz buǵan ekonomıkalyq turǵydan tıimdilik bolǵan kezde kirisemiz. Aýyl sharýashylyǵyndaǵy aqyldy tehnologııalarǵa kelsek, bizdiń elde GMO-syz taza ónim óndirýge múmkindik kóp. Sonymen qatar, tehnologııalardy engizý arqyly óndiris kólemin arttyryp, osy ónimderdiń belgili eksporteri atana alamyz. Revolıýtsııa degen tolyqqandy ózgeris degendi bildirse kerek. Prezıdent óz Joldaýlarynda memlekettik basqarý organdaryna naqty memlekettik baǵdarlamalar jasap, zańdardy jańartýǵa túrtki bolady», - dedi depýtat.
