Ónerkásiptik óndiristiń ındeksi 105,2% qurady
ASTANA. QazAqparat - 2018 jyldyń alty aıynda ónerkásiptik óndiristiń ındeksi 105,2 paıyzdy qurady. Bul týraly QR UEM Statıstıka komıtetinen málim etti, dep habarlaıdy QazAqparat tilshisi.
2018 jylǵy qańtar-maýsymda 2017 jylǵy qańtar-maýsymmen salystyrǵanda shıki munaı, tabıǵı gaz jáne metall kenderiniń óndirisi ulǵaıdy. Tamaq ónimderi, temeki buıymdary, munaı óńdeý ónimderi, hımııalyq ónerkásip ónimderi, rezeńke jáne plastmassa buıymdary óndirisi, metallýrgııa ónerkásibi jáne mashına jasaý ónimderiniń óndiris kólemderi ósti. Sonymen birge, kómir jáne lıgnıttiń óndirisi qysqardy jáne negizgi farmatsevtıkalyq ónimderdi óndirý tómendedi.
Ónerkásiptik ónimderdiń óndiris kóleminiń ósýi respýblıkanyń 14 óńirinde baıqaldy.
