Ónerkásiptik óndiris pen aýyl sharýashylyǵy salalarynyń esebinen ІJÓ kólemi byltyrǵa qaraǵanda artyq bolady - QR Statıstıka agenttigi
ASTANA. Jeltoqsannyń 9-y. QazAqparat /Rýslan Ǵabbasov/ - Ónerkásiptik óndiris pen aýyl sharýashylyǵy salalarynyń esebinen ІJÓ kólemi byltyrǵa qaraǵanda artyq bolady. Bul týraly búgin Astanada 11 aıdyń qorytyndysyna arnalǵan baspasóz máslıhatynda QR Statıstıka agenttiginiń tóraǵasy Álıhan Smaıylov málim etti,
dep habarlaıdy QazAqparat.
Onyń aıtýynsha, ІJÓ-niń ósimi bıylǵy jyly birinshi kezekte ónerkásiptik óndiristiń esebinen joǵarylamaq. «Shilde aıynan bastap ónerkásiptiń bir aıdaǵy ortasha ósiminiń qarqyny 5 paıyzdy quraıdy. Atap aıtqanda, bul kórsetkish munaı óndirý esebinen, sondaı-aq taý-ken óndirý salasy kóterilip keledi»,-dedi ol.
Munymen qosa, ol óńdeýshi ónerkásiptiń tómendeýi qazirgi kezde báseńdep kele jatqanyn aıtyp ótti.
«Jalpy 11 aıdyń ishinde ónerkásiptik salada ósim 100,7 paıyzǵa teń. ıAǵnı, osy jeltoqsan aıynda bul kórsetkishter joǵarylaıdy degen oıdamyz»,-dedi Agenttik tóraǵasy.
Onyń sózine qaraǵanda, sonymen birge 11 aıda aýyl sharýashylyǵy salasynda ósim 10,6 paıyzǵa jetip otyr. Jalpy jyldyń kórsetkishi boıynsha ósim 11 paıyzdan asyp túsýi múmkin.
«Sondyqtan negizgi eki salanyń arqasynda Іshki jalpy ónimniń kólemi byltyrǵa qaraǵanda artyq bolady degen oıdamyz»,- dedi Á. Smaıylov.
