Ónerkásiptik qaýipsizdik salasyndaǵy zańnama normalary engizildi - Májilis
NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine ónerkásiptik qaýipsizdik máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.
Zań jobasy ónerkásiptik qaýipsizdik salasyndaǵy zańnama normalaryn jetildirýge, bızneske ákimshilik qysymdy azaıtýǵa, qaýipti obektilerde memlekettik qadaǵalaýdy júzege asyrýdyń tıimdiligin arttyrýǵa, ónerkásiptik qaýipsizdik salasynda jumys júrgizý quqyǵyna attestattalǵan jáne avarııalyq-qutqarý jumystaryn júrgizý boıynsha kórsetiletin qyzmetterdi usynatyn uıymdardyń qyzmetin retteýge baǵyttalǵan.
Atalǵan zań jobasy bıyl mamyrda Májilistiń jalpy otyrysynda birinshi oqylymda maquldandy.
Zań jobasyn talqylaý kezinde jumys toby «Azamattyq qorǵaý týraly» Zańynyń uǵymdyq apparatyn naqtylaý men redaktsııalyq jaqsartýǵa qatysty túzetýler engizdi jáne olar bekitildi. Depýtattardyń usynysy boıynsha «Ónerkásiptik qaýipsizdik salasyndaǵy avarııalyq-qutqarý qyzmetterin attestattaý» jańa babymen rettelgen ónerkásiptik qaýipsizdik salasyndaǵy avarııalyq-qutqarý qyzmetterin attestattaý tetigi engiziledi.
Májilistiń Ekologııa máseleleri jáne tabıǵat paıdalaný komıtetiniń qorytyndysyna qaraǵanda, zań jobasymen «Arnaıy ekonomıkalyq jáne ındýstrııalyq aımaqtar týraly» Zańǵa erekshe ındýstrııalyq aımaqtardy qurý, jumys isteý jáne taratý protsesin retteıtin túzetýler, sondaı-aq erekshe ındýstrııalyq aımaqtardyń aýmaǵynda jumys isteıtin ınvestorlarǵa ózderiniń ınvestıtsııalyq jobalaryna «bir tereze» qaǵıdaty boıynsha saraptaýdy jáne kelisýdi júzege asyrýǵa múmkindik beretin normalar engiziledi.
Sondaı-aq «Erekshe qorǵalatyn tabıǵı aýmaqtar týraly», «Janýarlar dúnıesin qorǵaý, ósimin molaıtý jáne paıdalaný týraly» zańdarǵa túzetýler engizildi. Olar memlekettik-jekeshelik áriptestik sharttary boıynsha týrıstik jáne rekreatsııalyq qyzmetti júzege asyrý úshin erekshe qorǵalatyn tabıǵı aýmaqtardyń ýchaskelerin berý, kásipshilik balyq aýlaýdy yntalandyrý jáne balyq ósirý sharýashylyqtaryn damytý máselelerine qatysty boldy.
Budan basqa, «Jańartylatyn energııa kózderin paıdalanýdy qoldaý týraly» Zańǵa energııa únemdeýge jáne resýrs únemdeýge, sondaı-aq parnıktik gazdar shyǵaryndylaryn qysqartý jónindegi Qazaqstannyń halyqaralyq mindettemelerin oryndaýǵa baǵyttalǵan qaıtalama energetıkalyq resýrstardy paıdalaný tetigin iske qosatyn normalar engizildi.
