Ónerkásipti damytý qoryn qurýǵa bolady - Memleket basshysy
NUR-SULTAN. QazAqparat – Memleket basshysy Qasym-Jomart Toqaev óńdeýshi kásiporyndardy qoldaýǵa qatysty tapsyrma berdi etti, dep habarlaıdy QazAqparat.
«Óńdeý ónerkásibine ekpin qoıa otyryp ártaraptandyrylǵan ekonomıkany qurý - bizdiń basymdyq bolyp qala beredi. Osy sektorda uzaq merzimdegi jobalardy júzege asyrý úshin Qazaqstannyń Damý bankin qosymsha kaptıtaldandyrýdy qamtamasyz etý kerek», - dedi Memleket basshysy Tótenshe jaǵdaı rejımin qamtamasyz etý jónindegi memlekettik komıssııanyń otyrysynda.
Munymen qosa Prezıdent ozyq ónerkásiptik jobalardy qoldaýǵa qatysty tıisti qadamdardy atap ótti.
«Sonymen birge, óndirýshilerdiń keńeıtilgen mindettemeleri aıasynda jınalatyn qarjy esebinen Ónerkásipti damytý qoryn qurýǵa bolady. Onyń jumysy údemeli óńdeýshi kásiporyndardy úsh paıyzdan astam emes stavka boıynsha qoljetimdi nesıeleýmen qamtamasyz etýge baǵyttalady», - dedi Memleket basshysy.
Budan buryn habarlanǵandaı, Prezıdent shaǵyn bıznes úshin arnaıy qoldaý sharalaryn qarastyrýdy tapsyrdy.
