«Ónerkásipti damytý qory» Maqsat týraly memderge pikir bildirdi

ASTANA. QazAqparat – «Ónerkásipti damytý qory» AQ-nyń IT-departament basshysy Sáken Sábıev jeńildetilgen avtonesıe ótinimin alǵashqylardyń biri bolyp tirkep, áleýmettik jelidegi memderdiń keıipkerine aınalǵan Maqsat esimdi azamat týraly pikir bildirdi, dep habarlaıdy QazAqparat tilshisi.

«Jelide Maqsat esimdi azamattyń avtonesıege ótinimdi saǵat 7.00-de berip úlgergeni týraly málimetter shyǵyp jatyr. Bul múmkin be?» - dep surady jýrnalıst.

Sáken Sábıevtiń aıtýynsha, ol azamttyń saǵat 7.00-de kezekke turyp úlgergeni shyndyqqa janaspaıdy.

«Maqsat esimdi azamattyń lımıt kezegine sátti tirkelgenin rastaımyz. Biraq saǵat 7.00-de emes. Men onyń ótinimin ózi nemese bógde bireý basqa bir tásilmen redaktsııalady ma, ol jaǵyn bilmeımin. Ol ótinim saǵat 10.00, 36 dolısekýndta berildi. Qalaı bolsa da, saǵat 7.00-de emes. Ony dáleldeıtin skrınder qolymyzda bar», - dedi dedi ol.