Ónerkásip taqyryby boıynsha ótkizilgen shyǵarmashylyq baıqaýdyń qorytyndysy jarııalandy

dep habarlaıdy QazAqparat.

Atalmysh shara "Egemen Qazaqstan" respýblıkalyq gazeti men Eýrazııalyq tabıǵat resýrstary korporatsııasynyń uıymdastyrýymen ótti.

Sharanyń maqsaty - qazaq tildi jýrnalısterdiń kásibıligin arttyrý, medıa salada jańa ekonomıkalyq oılaýdy qalyptastyrý bolyp tabylady.

Baıqaýǵa ekonomıka taqyrybyna qalam terbep júrgen jýrnalıster 2009 jyly aýdandyq, qalalyq, oblystyq, respýblıkalyq gazetterde jarııalanǵan úzdik jumystaryn usynǵan. Qazylar alqasy shyǵarmalardy óz tarapynan qatysýshylardyń kásibı sheberligi men jarııalanymdardyń ózektiligine qaraı baǵalaǵan.

Birinshi oryn - 500 myń teńge kólemindegi syılyqqa "Egemen Qazaqstan" gazeti bas redaktorynyń orynbasary Seıfolla Shaıynǵazy arnaýly joba - eki jyldyń ishinde otandyq merzimdi basylymdaǵy tereń maǵynaly taqyryptyq qosymshalardyń birine aınalǵan arnaýly "Úkimet" betterin daıyndaǵany úshin ıe boldy.

Maqalalardyń ózektiligi men shyǵarmashylyq izdenisteri úshin árqaısysy 300 myń teńge kólemindegi ekinshi syılyqpen respýblıkalyq "Jas qazaq" gazetiniń ekonomıka jáne taldaý bóliminiń redaktory Gúlzat Smaǵulova jáne respýblıkalyq "Aıqyn" gazetiniń Astana qalasy boıynsha menshikti tilshisi Aıhan Shárip marapattaldy.

"Munaıly astana" gazetiniń bas redaktory Quttygereı Smadııar, Aqmola oblystyq "Arqa ajary" gazetiniń tilshisi Shynar Baıtyqova, "Qazaqstan temir joly" UK baspasóz qyzmetkeri Eskendir Ertaev salalyq baǵyttaǵy ázirlenimderindegi dáıektiligi úshin atap ótilip, olarǵa noýtbýkter tabystaldy.

Ónerkásip taqyrybyna degen qyzyǵýshylyǵy úshin arnaýly aqshalaı syılyqtarǵa Pavlodar oblystyq "Saryarqa samaly" gazetiniń sholýshysy Nurbol Jaıyqbaev pen oblystyq "Mańǵystaý" gazetiniń sholýshysy Ábdiǵalym Sárkenov ıe boldy.

Uıymdastyrýshylar mundaı sharany jyl saıyn ótkizýdi josparlap otyr.