Ónerkásip óniminiń naqty kólem ındeksi 105,8 paıyzdy qurady
ASTANA. 11 shilde. QazAqparat /Qanat Mámetqazyuly/ - Ónerkásip óniminiń naqty kólem ındeksi 105,8 paıyzdy qurady. Bul týraly QazAqparat Statıstıka agenttigine silteme jasap habarlaıdy.
Agenttiktiń málimetinshe, 2011 jylǵy qańtar-maýsymda 2010 jylǵy tıisti kezeńmen salystyrǵanda kómir, tabıǵı gaz, shıki munaı jáne metall kenderin óndirý artty. Tamaq ónimderi, sýsyndar, qurylys materıaldary, mashına jasaý ónimderi, hımııa jáne metallýrgııa ónerkásibi óndirisi joǵarylaǵan. Sonymen qatar, óndiristiń ósýi respýblıkanyń 14 óńirinde baıqaldy. Tómendeýi Pavlodar jáne Qostanaı oblystarynda tirkeldi. Atap aıtqanda, 2011 jylǵy qańtar-maýsymda ónimniń keıbir túrlerin óndirý boıynsha munaı, gaz kondensatyn qosqanda 40,3 mln. tonnany qurap, ótken jylǵy tıisti kezeńge 103,4 paıyzǵa jetti. Al tabıǵı gazdy óndirý esepti kezeńde 19,9 mlrd. tekshe metrdi qurasa, bul kórsetkish ótken jylǵy kezeńmen salystyrǵanda 109,2 paıyzdy quraǵan. Al elimizde un óndirý 1,7 mln. tonnany qurady jáne bul byltyrǵa qaraǵanda 92,0 paıyzǵa teń.
