Ónerkásip óndirisiniń ósimi 1,8 paıyzdy qurady - Úkimet otyrysy
ASTANA. 23 shilde. QazAqparat - Ónerkásip óndirisiniń ósimi 1,8 paıyzdy qurady. Bul týraly búgin birinshi jartyjyldyqtaǵy áleýmettik-ekonomıkalyq damý qorytyndylaryna arnalǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
«Óńdeý ónerkásibindegi ónim óndirisi 1,8 ese ósti. Ken óndirý ónerkásibindegi ónim shyǵarylymy 2,2 esege ulǵaıdy»,- dedi E.Dosaev.
Mınıstrdiń sózine qaraǵanda, tutynýshylyq suranystyń ulǵaıýy ekonomıka ósiminiń mańyzdy faktory boldy. Bólshek taýar aınalymynyń jyl basyna beri 12,3 paıyzǵa artýy sonyń aıǵaǵy ispettes. Budan bólek kólik qyzmeti 7 paıyzǵa, baılanys qyzmeti 14,6 paıyzǵa joǵarylady.
«Ekonomıkalyq ósimniń basty faktorlarynyń biri - negizgi kapıtalǵa salynǵan ınvestıtsııalar kóleminiń ulǵaıý úrdisiniń qalyptasýy. Ol birinshi jartyjyldyqta 7,9 paıyzǵa ósti. Bul rette 2012 jylǵy qańtar-maýsymda ósim 3,1 paıyzdy quraǵan bolatyn», - dedi Erbolat Dosaev.
