Ónerkásip óndirisiniń kólemi 6,1 paıyzǵa joǵarylady

Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.

Agenttiktiń málimetinshe, 2011 jylǵy qańtar-sáýirde 2010 jylǵy uqsas kezeńmen salystyrǵanda kómir, tabıǵı gaz, shıki munaı jáne metall kenderin óndirý artqan. Mashına jasaý ónimderiniń, qurylys materıaldary, hımııa jáne metallýrgııa ónerkásibi, sýsyndar jáne tamaq ónimderiniń óndirisi joǵarylady. Óndiristiń ósýi respýblıkanyń 14 óńirinde baıqalady. Tómendeýi Pavlodar jáne Ońtústik Qazaqstan oblystarynda tirkelgen. Atap aıtqanda, 2011 jylǵy qańtar-sáýirde ónimniń jeke túrlerin óndirý munaı, gaz kondensatyn qosqanda, 27,1 mln. tonnaǵa jetken. Bul ótken jylǵy kezeńmen salystyrǵanda 103,4 paıyzǵa artyq. Al tabıǵı gaz 13,5 mlrd. tekshemetr óndirildi. Bul aldyńǵy jylmen salystyrǵanda 108,2 paıyzǵa joǵary kórsetkish.