Ónerkásip óndirisiniń kólemi 2009 jyldyń osyndaı kezeńine qaraǵanda 10,4 paıyzǵa artty
ASTANA. Naýryzdyń 11-i. QazAqparat /Rýslan Ǵabbasov/ - 2010 jylǵy qańtar-aqpan aılarynda ónerkásip óndirisiniń kólemi qazirgi qoldanystaǵy baǵalarda 1699,6 mlrd. teńgeni qurady.
Bul kórsetkish 2009 jyldyń osy kezeńine qaraǵanda 10,4 paıyzǵa artty. Bul týraly búgin QR Statıstıka agenttiginde ótken brıfıngte málim boldy, dep habarlaıdy QazAqparat.
Atap aıtqanda, taý-ken óndirý ónerkásibinde jáne karerlerdi qazýda 6,4 paıyzǵa, óńdeý ónerkásibinde 18,5 paıyzǵa, elektrmen jabdyqtaý, gaz, bý berý jáne aýany tazalaýda 6 paıyzǵa, sondaı-aq sýmen jabdyqtaýda 13,3 paıyzǵa óndiris ósimi baıqaldy.
