Ónerkásip óndirisiniń kólemi 11 paıyzǵa joǵarylady
ASTANA. Tamyzdyń 11-i. QazAqparat /Qanat Mámetqazyuly/ - Statıstıka agenttiginiń málimetterine qaraǵanda, 2010 jylǵy qańtar-shildesinde 2009 jylǵy sáıkes kezeńmen salystyrǵanda ónerkásip óndirisiniń kólemi 11 paıyzǵa joǵarylaǵan.
Onyń ishinde, elimizdegi shıki munaıdy, tabıǵı gazdy, kómir jáne lıgnıtti, temir kenin óndirý birshama artty. Tamaq jáne munaıdy qaıta óńdeý ónimderiniń, toqyma buıymdarynyń, qurylys materıaldarynyń, metallýrgııa, hımııa ónerkásibi jáne mashına jasaý ónimderiniń óndirisi de joǵarylaǵan. Agenttik málimetterine sáıkes, óndiristiń ósýi respýblıkamyzdyń barlyq óńirlerinde baıqalyp otyr.
Atap aıtqanda, 2010 jylǵy qańtar-shilde aılarynda ónimniń jeke túrlerin óndirý boıynsha gaz kondensatyn qosa alǵanda munaı óndirý 46,0 mln. tonnaǵa jetip, ótken jylǵy tıisti kezeńge 105,6 paıyzdy quraǵan. Sonymen birge, esepti kezeńde 2,1 mln. tonna un, 1,8 mln. tonna benzın, 3,7 mln. tonna tsement óndirilgen.
