Ónerkásip komıteti Qyzylorda oblysyndaǵy kásiporyndardy josparly tekserýden ótkizdi
ASTANA. 4 jeltoqsan. QazAqparat - QR Indýstrııa jáne jańa tehnologııalar mınıstrliginiń Ónerkásip komıteti 2013 jylǵy bekitilgen josparly tekseris boıynsha Qyzylorda oblysyndaǵy asa qaýipti óndiris túrine jatatyn 8 kásiporynǵa tekserý jumystaryn júrgizdi.
Tekserý qorytyndysy boıynsha «Saýts-Oıl» JShS-de ýly zattardyń aınalymy salasyndaǵy qyzmet túri usynylǵan biliktilik talaptaryna sáıkes emes ekendigi, ıaǵnı Medıtsınalyq baqylaý qyzmeti men Metrologııalyq baqylaý júrgizetin arnaıy oryndardyń joqtyǵy anyqtaldy.
Ónerkásip komıtetimen júrgizilgen baqylaý lıtsenzııalyq erejeler men tártip buzýshylardy aıqyndaýǵa jáne olarǵa qatysty tıisti sharalardy qoldanýǵa múmkindik beretin josparly-júıeli sıpatqa ıe.
Lıtsenzııalyq baqylaý 2007 jylǵy 11 qańtardaǵy «Lıtsenzııalaý týraly» QR Zańymen qarastyrylǵan jáne ony saqtaýdy qamtamasyz etetin basty negiz bolyp tabylady.
Tekseris qorytyndysy boıynsha júrgizilip jatqan jumystar ónerkásip kásiporyndarynda qaýipsizdik deńgeıin kóterýge jáne kaýip-kater deńgeıin tómendetýge múmkindik beredi, dep habarlady QR Indýstrııa jáne jańa tehnologııalar mınıstrliginiń Ónerkásip komıtetiniń baspasóz qyzmetinen.
