Ónerkásip kásiporyndarynyń iskerlik belsendiligi ótken aımen salystyrǵanda joǵarylady - statıstıka
ASTANA. Qyrkúıektiń 10-y. QazAqparat - Zerttelgen ónerkásip kásiporyndarynyń iskerlik belsendiligi ótken aımen salystyrǵanda joǵarylady. Bul aqparatty QR Statıstıka agenttigi taratyp otyr.
Vedomstvonyń habarlaýynsha, ónerkásip kásiporyndarynyń basshylary 2010 jylǵy tamyzda ótken aımen salystyrǵanda daıyn ónimge suranystyń ósýin jáne onyń qorlarynyń azaıýyn atap ótken. Bul olardyń iskerlik belsendiliginiń ósýine sebepshi bolyp otyr. 2010 jylǵy tamyzda ónerkásip kásiporyndarynyń iskerlik belsendiligin sıpattaıtyn kásipkerliktiń senimdilik ındeksi ótken aımen salystyrǵanda 3 paıyzdyq tarmaqqa ósip, +13 paıyzdy quraǵan. Sonymen qatar kásiporyn basshylarynyń baǵalaýynsha, 2010 jylǵy qarashaǵa deıin iskerlik belsendiliktiń ósýi kútilýde. ıAǵnı kásipkerliktiń senimdilik ındeksi aǵymdaǵy jylǵy tamyzben salystyrǵanda 1 paıyzdyq tarmaqqa ósip, +14 paıyzdy quramaq.
Al saýda kásiporyndarynyń iskerlik belsendiligi osy jyldyń tamyzynda ótken aımen salystyrǵanda sál ǵana kóterilgen. Atap aıtqanda 2010 jylǵy tamyzda saýda kásiporyndarynyń iskerlik belsendiligin sıpattaıtyn kásipkerliktiń senimdilik ındeksi ótken aımen salystyrǵanda 1 paıyzdyq tarmaqqa ósip, +13 paıyzdy quraǵan. Mamandardyń boljamynsha, aǵymdaǵy jyldyń qarashasyna deıin iskerlik belsendiliktiń eleýli ózgerýi kútilip otyrǵan joq. Demek saýda kásiporyndarynyń iskerlik belsendiliginiń ındeksi aǵymdaǵy jylǵy tamyz aıyndaǵy deńgeıinde turaqtamaq.
