Óner jáne mádenıet mamandyqtaryn tańdaǵan 25 stýdent Prezıdent stıpendııasyn alady

ASTANA. QazAqparat – Bıylǵy oqý jylynda mádenıet salasy boıynsha bilim alýǵa nıetti talapkerlerge prezıdenttik 25 stıpendııa bólinýi múmkin, dep habarlaıdy QazAqparat tilshisi.

«Osy buıryqtyń qosymshasyna sáıkes, QR Prezıdentiniń 2023 jylǵa arnalǵan stıpendııasyn joǵary jáne joǵary oqý ornynan keıingi bilim berý uıymdary arasynda bólý bekitilsin.

Osy tarmaqta kózdelgen is-sharalar oryndalǵannan keıin 3 jumys kúni ishinde Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimetterdi usynýdy qamtamasyz etsin. Mádenıet jáne sport mınıstrligi Ekonomıka jáne qarjy departamenti qosymshada kórsetilgen bólýge sáıkes joǵary jáne joǵary oqý ornynan keıingi bilim berý uıymdaryna 1 qańtardan bastap tıisti qarjy jylyna respýblıkalyq bıýdjette qarastyrylǵan qarajattar sheginde tóleýdi qamtamasyz etsin», - delingen Ashyq NQA portalynda jarııalanǵan Mádenıet jáne sport mınstrliginiń buıryq-jobasynda.

Qosymshada jazylǵandaı, bıylǵy oqý jylynda myna oqý oryndaryna Prezıdent stıpendııasy bólinedi:

1. Qurmanǵazy atyndaǵy Qazaq ulttyq konservatorııasy – 4 bakalavrıat;

2. Qazaq ulttyq óner ýnıversıteti – 12 bakalavrıat, 1 – magıstratýra;

3. Temirbek Júrgenov atyndaǵy Qazaq ulttyq óner akademııasy – 4 bakalavrıat;

4. Halyqaralyq týrızm jáne meımandostyq ýnıversıteti – 4 bakalavrıat;

Málim bolǵandaı, bakalavrıat boıynsha bilim alatyndarǵa barlyǵy – 24, al magıstratýraǵa 1 stıpendııa bólinedi.

Qujat 11 tamyzǵa deıin kópshilik talqylaýda bolady.