Óner jáne ǵylym salasyndaǵy daryndy shyǵarmashyl jastarǵa arnalǵan Elbasy granttaryna konkýrs jarııalanady

«Qazaqstan-2050» Strategııa­sy­nyń oıdaǵydaı júzege asýyna yqpal etý, memleketimizdiń áleý­­mettik-ekonomıkalyq, má­denı-gýmanıtarlyq jáne ǵyly­mı-teh­nıkalyq damýy men daryn­dy shyǵarmashyl jastar­dy qoldaý maqsatynda N.Nazar­­­baevtyń mádenıet, bilim jáne áleý­mettik baǵdarlamalar qory (budan ári - Qor) kórkem jáne ǵy­lymı jobalardy júzege asyrýǵa, jetekshi halyqaralyq shyǵarmashylyq jáne ǵylymı ortalyqtarda taǵylymdamadan ótýge, halyqaralyq shyǵarma­shy­lyq konkýrstar men ǵyly­mı konferentsııalarǵa qatysýǵa arnalǵan 2015 jyly taǵaıyn­dalatyn N.Nazarbaevtyń granttaryna Respýblıkalyq konkýrs jarııalaıdy.

N.Nazarbaevtyń mádenıet, bilim jáne áleýmettik baǵ­dar­la­malar qorynyń tómende ­ja­­rııa­lanǵan Granttar jónindegi erejesine sáıkes resimdel­gen úmitkerlerdiń materıal­dary men qujattary 2015 jyldyń 1 aqpanyna deıin myna ­mekenjaı boıynsha qabyldanady: N.Na­zarbaevtyń mádenıet, bilim jáne áleýmettik baǵdarla­­malar qory, Astana qalasy, 010000, Qonaev kóshesi, 10, 2503 ofıs.

Qujattardyń elektrondy túrin nazarbayevfoundation@gmail.com. poshtasyna jiberýge bolady.

Óner jáne ǵylym salasyndaǵy daryndy shyǵarmashyl jastarǵa arnalǵan Nursultan Nazarbaevtyń granty týraly

EREJE

1. Jalpy erejeler

2. «Qazaqstan-2050» Strategııasynyń oıdaǵydaı júzege asýyna yqpal etý, memleketimizdiń áleýmettik-ekonomıkalyq, mádenı-gýmanıtarlyq jáne ǵylymı-tehnıkalyq damýy men daryndy shyǵarmashyl jas­tardy qoldaý maqsatynda N.Nazarbaevtyń mádenıet, bilim jáne áleýmettik baǵdarlamalar qory (budan ári - Qor) mádenıet jáne bilim salasyndaǵy Nursultan Nazarbaevtyń granttarynyń taǵaıyndalǵany jóninde habarlaıdy.

3. Osy Ereje Qor granttarynyń berilý tártibin belgileıdi (budan ári - granttar).

4. Granttardy berýdiń maqsattary:

1) daryndy shyǵarmashyl jastar men jas ǵylymı jumysshylardyń kásibı sheberligi men biliktiligin arttyrý, Qazaqstannyń óneri men ǵylymyn halyqaralyq arenada oıdaǵydaı tanystyrý úshin qoldaý;

2) daryndy shyǵarmashyl jastar men jas ǵa­lym­dardyń halyqaralyq shyǵarmashylyq jáne ǵylymı-tehnıkalyq ortalyqtarǵa qoljetimdiligin uıymdastyrýǵa yqpal etý bolyp tabylady.

4. Qor:

1) kórkem, ǵylymı jáne ǵylymı-tehnıkalyq jobalardy júzege asyrýǵa;

2) jetekshi halyqaralyq shyǵarmashylyq jáne ǵylymı ortalyqtarda taǵylymdamadan ótýge, halyqaralyq shyǵarmashylyq konkýrstar men ǵylymı konferentsııalarǵa qatysýǵa arnalǵan granttardy taǵaıyndaıdy jáne bóledi.

5. Qor Qormen bekitiletin basqa da sıpattaǵy granttardy taǵaıyndaýǵa quqyly.

2. Granttardy taǵaıyndaýdaǵy konkýrstyq tańdaýdyń tártibi

6. Granttar konkýrstyq negizde taǵaıyndalady.

7. Qujattar Qor belgilegen merzimde usynylady.

Konkýrstyq tańdaý jáne onyń qorytyndysy týraly aqparat BAQ-tarda jáne Qordyń Internet-resýrsynda ornalastyrylady.

8. Granttardy alýǵa kelesi kategorııadaǵy azamattardyń quqyǵy bar:

1) otyz jasqa deıingi daryndy shyǵarmashyl jastar;

2) memleketke basymdy bolyp tabylatyn baǵyttarda bolashaq ǵylymı zertteýlerdi júrgizýge belsendi qatysatyn otyz bes jasqa deıingi ǵalymdar;

3) ǵylymı zertteýlerdi júrgizýge belsendi qatysa­­tyn­ stýdentter nemese joǵary oqý oryndarynyń túlekteri.

9. Granttardy alýǵa jumystardy usyný quqyǵy jeke tulǵalarǵa, sondaı-aq jergilikti atqarýshy organ­darǵa, shy­­ǵarmashylyq ujymdarǵa, ǵylymı uıymdar men men­shik nysanasyna qaramastan Qazaqstan Respýb­lı­kasynyń joǵary oqý oryndaryna (budan ári - uıymdar) beriledi.

10. Grantty alýǵa jumystardy usyný týraly sheshim grantty usynatyn uıymda bekitilgen tártip boıynsha qabyldanady.

11. Grantty alýǵa jeke jáne sany bes adamnan aspaıtyn avtorlar ujymynyń jumystary usynylýy múmkin. Árbir avtor jáne avtorlar ujymy konkýrsqa tek bir ǵana jumys usynýǵa quqyly.

12. Grant alýǵa jumys eki retten artyq usynyl­maı­dy. Osy granttyń laýreatynyń jańa jetistikteri bolǵan jaǵdaıda oǵan grant aldyńǵy taǵaıyndalǵan grant­tan keıin bes jyl ótkennen soń qaıta berilýi múmkin.

Ujymdyq jumystyń avtorlaryna granttyń aqsha bóligi teń úleste tólenedi.

13. Grant alýǵa kelesi qujattar usynylady:

1) konkýrsqa qatysý jónindegi ótinish;

2) alýshynyń túıindemesi;

3) jeke kýáliginiń jáne/nemese tólqujatynyń kóshirmesi;

4) beıne, aýdıo-foto materıaldar túrindegi kórkem­dik jumystar jáne onyń mazmuny, ózektiligi, jańashyldy­ǵy jáne shyǵarmashylyq qundylyǵy baıandalǵan sıpattamasy;

5) kitaptar, monografııalar, oqýlyqtar, túptes­tirilgen maqalalardyń baspa-tańbasy, patentterdiń kóshirmesi, avtorlyq kýálikter, esepter túrindegi jáne basqa nysandardaǵy ǵylymı jumystar;

6) jumysty usynǵan uıymnyń hattamasynan kóshirme;

7) grant alýshynyń negizgi jumys ornynan anyqtama (bolǵan jaǵdaıda);

8) grant alýshynyń qyzmeti týraly shyǵarmashylyq úlesi kórsetilgen qysqasha minezdemesi (ujymdyq jumystar úshin);

9) negizgi jumystardyń tizimi (5-eýden artyq emes);

10) ózge de qujattar (bolǵan jaǵdaıda).

14. Grant alýǵa arnalǵan materıaldar habarlandyrý jarııalanǵan kúnnen bastap 2015 jylǵy 1 aqpanǵa deıin Qorǵa usynylady.

15. Granttardy alýǵa usynylǵan jumystar men materıaldar avtorlardyń hat júzindegi talaby boıynsha bir danada qaıtarylady.

3. Konkýrstyq komıssııanyń jumys isteý tártibi

16. Qabyldanǵan materıaldardy qaraý jáne granttardy taǵaıyndaý máselesi boıynsha sheshim qabyldaý úshin Qordyń sheshimimen konkýrstyq komıssııa qurylady.

Konkýrstyq komıssııa sabaǵattyq - keńesshi organ bolyp tabylady jáne Qor ókilderinen, Qazaqstan Respýblıkasynyń óner jáne ǵylym qaıratkerlerinen qurylady.

Granttardy alýǵa konkýrstyq komıssııa músheleriniń jumystary usynylǵan jaǵdaıda sońǵylary komıssııanyń jumysyna qatyspaıdy.

17. Konkýrstyq komıssııa grant alýǵa usynylǵan jumystardy aldyn ala qaraý úshin sektsııalar qurady (eksperttik komıssııalar), olardyń quramy men jumys isteý tártibin belgileıdi.

18. Konkýrstyq komıssııa sektsııanyń qorytyn­dysynyń negizinde Qor basshylyǵynyń qaraýyna óziniń sheshimin engizedi.

19. Konkýrstyq komıssııa sektsııanyń qorytyn­dysynyń negizinde Qor grantty taǵaıyndaý jóninde sheshim qabyldaıdy.

20. Granttardy taǵaıyndaý jónindegi konkýrs­tardyń nátıjesi BAQ-tarda nemese Qordyń Internet-resýrsynda jarııalanýǵa jatady.

4. Granttardy bólý tártibi jáne olardyń maqsatty paıdalanylýyn baqylaý

21. Granttar grant bólý týraly kelisimshart jasaý arqyly bólinedi.

22. Grant bólý týraly kelisimshartta jalpy sharttardan tys mynalar qarastyrylýy tıis:

1) konkýrstyq komıssııa sheshiminiń nómiri men kúni;

2) granttyń maqsaty;

3) sodan keıin tıisti esepti bere otyryp, grantty maqsatty paıdalanatyny týraly grant alýshynyń mindettemesi;

4) maqsatsyz paıdalanǵany úshin alynǵan qarjyny qaıtarý túrindegi grant alýshynyń jaýapkershiligi.

23. Grant aqsha túrinde kelisimshartta kórsetilgen grant alýshynyń esebine aýdarý arqyly beriledi.

24. Grantty maqsatsyz paıdalaný týraly derek anyqtalsa Qor aýdarylǵan aqshany qaıtaryp alýdy talap etýge quqyly.

25. Grantty maqsatsyz paıdalaný Qormen uıym­dastyrylatyn basqa konkýrstarǵa qatysýǵa jibermeýge baılanysty bas tartý úshin negiz bolyp tabylady.