Óner ujymdary Qyzylaǵashta sý tasqynynan zardap shekkenderge birkúndik jalaqysyn aýdardy
ALMATY. Naýryzdyń 19-y. QazAqparat /Erbol Azanbek/ - Qazaqstannyń 12 óner ujymy Almaty oblysynyń Qyzylaǵash aýylyndaǵy apattan zardap shekken otandastaryna birkúndik eńbekaqylaryn aýdardy,
dep habarlaıdy QazAqparat.
Olar bunymen qatar apattan zardap shekkenderge kóńil bildirip, hat joldady. «Qadirli Qyzylaǵash aýylynyń turǵyndary! Apat aıtyp kelmeıtini ras. 12-naýryzda oryn alǵan qaıǵyly oqıǵa bárimizdiń qabyrǵamyzdy qaıystyrdy. Bul - bir aýyldyń qaıǵysy emes, búkil elimiz aza tutqan qaraly kún dep bilemiz.
Sizdermen birge jany janshylyp, kóńili qulazyǵan dúıim eldiń bar ekenin umytpaǵaısyzdar. Biz, Almaty qalasyndaǵy óner ujymdary, qapyda sheıit bolǵan jandardyń otbasylaryna, týǵan-týystary men jaqyn-juraǵattarynyń qasiretine ortaqtasyp, qaıǵyryp kóńil aıtamyz. Ras, opat bolǵan azamattardyń ornyn eshkim, eshnárse toltyra almaıdy, degenmen, tiri adam tirshiligin jasaıdy. Qarlyǵashtyń qanatymen sý sepkendeı, bizdiń óner adamdary bir kúndik eńbekaqylaryn Qyzylaǵash aýylynyń sý tasqyny saldarynan zardap shekken turǵyndaryna arnalǵan esep-shotqa aýdaryp otyr» delingen hatta. Hatqa Ǵ. Músirepov atyndaǵy Qazaq memlekettik Akademııalyq balalar men jasóspirimder teatrynyń ujymy atynan Qazaqstannyń halyq artısi, teatrdyń kórkemdik jetekshisi jáne dırektory Talǵat Temenov, M. Áýezov atyndaǵy Qazaq memlekettik Akademııalyq drama teatrynyń ujymy atynan Qazaqstannyń halyq artısi, teatrdyń kórkemdik jetekshisi Esmuhan Obaev, M. Lermontov atyndaǵy Memlekettik orys drama teatrynyń ujymy atynan teatr dırektory ıÝrıı ıAkýshev qol qoıǵan. Sonymen qatar hatqa qol qoıýshylar qatarynda M. Qojamııarov atyndaǵy respýblıkalyq Uıǵyr mýzykalyq-komedııa teatry, N. Sats atyndaǵy orys memlekettik balalar men jasóspirimder teatry, Respýblıkalyq koreı drama teatry, Respýblıkalyq Qýyrshaq teatry, «Qazaqkontsert» birlestigi, «Gúlder» ansambli, Abaı atyndaǵy Ulttyq opera jáne balet teatry, Respýblıkalyq nemis drama teatry, Jambyl atyndaǵy Qazaq memlekettik fılarmonııasy, Qurmanǵazy atyndaǵy Qazaq memlekettik akademııalyq halyq aspaptary orkestriniń basshylary bar.
