Óner oryndarynda kezek kóbeıip, bılet tabylmaıtyn deńgeıge jetýi kerek - B.Saparbaev
ASTANA. QazAqparat - Qazir ár shyǵarmashylyq adamy, zııaly qaýym ókilderi óner oryndarynda kezek kóbeıip, bılet tabylmaı qalatyn deńgeıge jetý úshin baryn salý kerek. Bul týraly búgin "Máńgilik el - eldiń biriktirýshi kúshi" atty shyǵarmashylyq jáne zııaly qaýym ókilderiniń forýmynda QR Premer-Mınıstriniń orynbasary Berdibek Saparbaev málim etti.
"Mádenıet salasyndaǵy basty qujat - Elbasy bekitken Qazaqstandaǵy mádenı saıasattyń tujyrymdamasy. Qujatta barlyq negizgi máseleler aıtylǵan. Endigi mindetimiz - Mádenıet jáne sport mınıstrligimen birlese otyryp, osy tujyrymdamany oıdaǵydaı júzege asyrý kerek. Men únemi aıtatyn bir másele, sport, mádenıet nysandaryn qansha salsaq ta, halyq tıisti deńgeıde ol nysandarǵa baryp, kóre almaıdy. Bizdiń maqsatymyz - Qazaqstannyń ár azamaty, elordamyzǵa kelgen qonaqtar men turǵyndar sol mádenıet jáne sport nysandaryn aralap kórýi kerek. Ásirese, jastar men balalar. Sondyqtan zııaly qaýym ókilderi óner oryndarynda kezek kóbeıip, bılet tabylmaıtyn deńgeıge jetý úshin baryn salyp jumys isteýi kerek. Negizgi mindetimiz - memleketimizdiń bolashaǵy úshin eńbek etýimiz kerek. Ol úshin elimizde birlik bolýy kerek, yntymaq bolýy kerek. Qazaqstannyń damýy úshin árqaısymyz óz úlesimizdi qosamyz", - dedi B.Saparbaev.
