Óner qaıratkerleri kezekten tys saılaýdy tarıhı qajettilik dep sanaıdy
Eske sala ketsek, 9 sáýirde QR Prezıdenti Qasym-Jomart Toqaev Qazaqstan halqyna úndeý jasap, QR Prezıdentiniń kezekten tys saılaýyn ótkizý týraly sheshimin jarııalaǵan edi. Elimiz úshin asa mańyzdy saıası oqıǵany óner qaıratkerleri tarıhı sheshim retinde qarastyryp otyr. Osyǵan oraı jıyn barysynda sóz sóılegen T. Júrgenov atyndaǵy Qazaq Ulttyq óner akademııasynyń rektory Ashat Maemırov saılaýdyń merziminen buryn ótkizilýiniń artyqshylyqtaryna toqtaldy.
«Sońǵy bir aıdyń ishinde elimizde asa mańyzdy eki úlken oqıǵa oryn aldy - Elbasy N.Nazarbaev Prezıdenttik ókiletin Senat spıkerine tabystady, kóp uzamaı jańa el Prezıdenti kezekten tys saılaý ótetinin jarııalap otyr. Osynyń ózi merziminen buryn saılaý ótkizý tarıhı qajettilik ekendigin tanytady. Osy arqyly bıliktiń aýysýyndaǵy sabaqtastyq saqtalyp, belgisizdik jaǵdaıy joıylmaq. Munyń ózi qoǵamda ornyqtylyqty, elde kelisimdi saqtaý úshin, sondaı-aq áleýmettik-ekonomıkalyq damý mindetterin sheshý úshin asa qajet qadam», - dedi Ashat Maemırov.
Onyń aıtýynsha, mádenıet salasy úshin de bul sheshimniń orny aıryqsha. Óıtkeni, qazirgi zamanda ekonomıka mádenıetpen tyǵyz qabysyp otyr. Al bıliktiń aýysýyndaǵy sabaqtastyq, qoǵamdyq ornyqtylyq mádenı reformalardy aıaǵyna deıin jetkizýge, iri mádenı jobalardy júzege asyrýǵa jáne memlekettik bilim berý baǵdarlamalaryn qamtamasyz etýge jol ashady.
«Osy turǵydan alǵanda bizdiń oıymyzsha, bundaı sheshim el ómirinde jańa kezeńdi bastap beredi. Ashyq, ádil saılaý ótkizý ómirimizdiń barlyq salasyna serpin berýmen qatar árqandaı problemany sheshýde balamaly kózqaras qalyptastyrýǵa, bılik tarmaqtaryn ózara teńestirýge alyp keledi dep oılaımyn. Sondyqtan óner men mádenıet salasynda júrgen barshańyzdy alda bolatyn saılaýǵa bir kisideı atsalysýǵa shaqyramyn», - dedi rektor.
Budan bólek, jıyn barysynda Koreı respýblıkalyq mýzykalyq komedııa teatrynyń dırektory Lıýbov Nı da kezekten tys saılaýdyń mańyzyna toqtaldy.
«Qytaı halqynda ótpeli kezeńde ómir súrýdiń qıyndyǵy jaıly támsil sóz bar. Men sony ózgertińkirep, biz árqıly tarıhı oqıǵalar qabattasa kelip jatqan dáýirde ómir súrgenimiz úshin baqyttymyz degim keledi. Jalpy kezekten tys saılaý ótkizý degenniń ózi el basshylyǵynyń ornyqtylyqqa umtylýyn bildirse kerek. Sondyqtan mádenıet pen óner salasynyń ókilderi retinde elimizde beıbitshilik pen kelisimdi saqtaý úshin jáne bir qadam jasaımyz dep oılaımyn», - dedi Lıýbov Nı.
