«Óner barysy»: Jeńil salmaqta bas júldeni Asylhan Tólepov qanjyǵalady
ASTANA. QazAqparat - "Óner barysy" respýblıkalyq týrnıriniń bas júldesi Asylhan Tólepovke buıyrdy, dep habarlaıdy QazAqparat tilshisi.
Týrnırdiń jeńil salmaqtaǵy bas júldesi úshin Qazaqstan Jastar odaǵy "Serper" jastar syılyǵynyń laýreattary, kıno akterleri Aıan Ótepbergen men Asylhan Tólepov beldesti. Tartysty ótken kezdesýde aldymen Asylhan búk upaıyn enshilese, ile-shala Aıan da óz qorjynyna dál osyndaı upaı sala aldy. Alaıda, negizgi ýaqytta palýandardyń esepteri teń aıaqtaldy. Osydan keıingi beldesýde qoly belbeýden shyǵyp ketken Aıan jeńisti Asylhanǵa berip qoıdy.
Aıta keteıik, "Óner barysy" respýblıkalyq týrnıriniń qola júldesi aýyr salmaqta Erkebulan Daıyrovqa, al jeńil salmaqta Abaı Aıazbaev buıyrǵanyn habaralǵan edik.
Esterińizge sala ketsek,«Óner Barysy» respýblıkalyq týrnıri elordadaǵy "Dáýlet" sport kesheshinde ótip jatyr. Týrnırge jıyrmaǵa jýyq palýan qatysty. Olardyń ishinde birde-bir kásipqoı sportshy joq. Barlyǵy da Qazaqstan halqy jaqsy tanıtyn ártister men mýzykanttar, ánshiler, aıtyskerler, akterler, KTA-ǵa qatysýshylar. Olardyń qatarynda Qaırat Nurtas, Abaı Aıazbaev, Serik Ibragımov, Meıirjan Tórebaev, Amangeldi Óteshov, Asylhan Tólepov, Artýr Tólepov, Aıan Ótepbergen, Nurlan Musaev, Erkebulan Daıyrov, Álibek Serǵalıev, Nurbolat Abdýllın syndy ónerpazdar bar.
