«Óner barysy»: Aýyr salmaqta úshinshi oryndy Erkebulan Daıyrov enshiledi
ASTANA. QazAqparat - "Óner barysy" respýblıkalyq týrnıriniń qola júldesi aýyr salmaqta Erkebulan Daıyrovqa buıyrdy, dep habarlaıdy QazAqparat tilshisi.
Úshinshi oryn úshin beldesý kıno jáne teatr akteri, Qazaqstan Jastar odaǵynyń "Serper" syılyǵynyń laýreaty Erkebulan Daıyrov pen Qazaqstannyń teatr, kıno jáne dýblıaj akteri Azamat Sharǵyn arasynda ótti. Boz kilemde ońtaıly sátte jambas upaıyn alǵan Azamat qarsylasy Erkebulannan basym tústi.
Aıta keteıik, «Óner Barysy» respýblıkalyq týrnıri elordadaǵy "Dáýlet" sport kesheshinde ótip jatyr. Týrnırge jıyrmaǵa jýyq palýan qatysty. Olardyń ishinde birde-bir kásipqoı sportshy joq. Barlyǵy da Qazaqstan halqy jaqsy tanıtyn ártister men mýzykanttar, ánshiler, aıtyskerler, akterler, KTA-ǵa qatysýshylar. Olardyń qatarynda Qaırat Nurtas, Abaı Aıazbaev, Serik Ibragımov, Meıirjan Tórebaev, Amangeldi Óteshov, Asylhan Tólepov, Artýr Tólepov, Aıan Ótepbergen, Nurlan Musaev, Erkebulan Daıyrov, Álibek Serǵalıev, Nurbolat Abdýllın syndy ónerpazdar bar.
