Óner adamdary qazaqstandyqtardy koronavırýsqa qarsy vaktsına alýǵa shaqyrdy
ALMATY. QazAqparat - Qazaqstannyń eńbek sińirgen qaıratkerleri otandastaryn COVID-19 ekpesin alýǵa shaqyrady, dep habarlaıdy QazAqparat tilshisi.
Olardyń pikirinshe, jappaı vaktsınalaý arqyly ujymdyq ımmýnıtet qalyptasqanda ǵana pandemııany jeńemiz.
Óner ıeleri vaktsınadan keıin ózderin jaqsy sezinetinderin aıtty.
«Biz qazir vaktsınanyń arqasynda koronavırýstan qorǵanýǵa bolatynyn bilemiz. Men barlyq qala turǵyndaryn vaktsına alýǵa shaqyramyn. Mysaly, Izraılde halyqtyń 95%-y vaktsına aldy. Qazir bul el betperdesiz júr. Nege biz olardan úlgi almaımyz. Men adamdardyń sharshaǵanyn kóremin. Eger biz bárimiz vaktsına alatyn bolsaq, onda ol aıaqtalady», - dedi Qazaqstannyń eńbek sińirgen qaıratkeri, ánshi Muqasan Shahzadaev.
Qaragóz Súleımenovanyń aıtýynsha, vaktsına – qaterli indetti joıýdyń jalǵyz joly.
« Іndet kezinde kóptegen adam qaıtys boldy. Dári-dármekter jetkiliksiz boldy. Al qazir bizde óz vaktsınamyz bar, sondaı-aq tańdaý úshin birneshe tıimdi túrleri shyqty. Vaktsına – qaterli indetti joıýdyń jalǵyz joly», – dep atap ótti Qazaqstannyń eńbek sińirgen qaıratkeri Qaragóz Súleımenova.
Vaktsına alǵandardyń arasynda Roza Rymbaeva, Jan Baıjanov, Ermahan Ibragımov, Olga Shıshıgına, Múslim Jylqybaev, Rızat Mahashev, Lev Cherepanov, Álı Oqapov, Baıan Alagózova, Dıas Ablaev, Erjan Muhataev jáne taǵy basqalary bar.
Eske salsaq, turǵyndar vaktsınany kez kelgen pýnktten ala alady. Qala boıynsha 211 ekpe pýnkti bar. Olar emhanalarda, saýda ortalyqtarynda, bazarlarda, mektepterde, mádenıet nysandarynda ornalasqan jáne kún saıyn demalyssyz tańǵy 8-den keshki 20:00-ge deıin jumys isteıdi. Jalpy, Almatyda vaktsına alǵan qala turǵyndarynyń sany 329 myńnan asty.
