«Ónegeli ómir» serııasyndaǵy kitaptar serııasy jańa eńbekpen tolyqty
ALMATY. 26 aqpan. QazAqparat - Búgin Almatydaǵy Ál-Farabı atyndaǵy Qazaq ulttyq ýnıversıtetinde «Kenjeǵalı Saǵadıev» dep atalatyn jańa kitaptyń tusaýkeseri ótti.
Ol QR UǴA akademıgi, ekonomıka ǵylymdarynyń doktory, professor K. Saǵadıevtiń 75 jyldyǵyna oraı jaryq kórip otyr. Onda maqalalar men suhbattar, ǵylymı aınalymǵa alǵash engizilgen muraǵat qujattary, fotosýretter, sondaı-aq zamandastarynyń, dostarynyń lebizderi toptastyrylǵan.
«Elimizdiń bilim-ǵylym salasyn damytýǵa zor úles qosqan halqymyzdyń birtýar azamaty - Kenjeǵalı Ábenulynyń ómir joly, ǵylymı murasy óskeleń urpaqqa úlgi-ónege. Sondyqtan bilimniń qara shańyraǵynda áıgili ǵalymdy jastarmen kezdestirip otyrmyz», - deıdi QazUÝ rektory Ǵalym Mutanuly.
Bul Ál-Farabı atyndaǵy QazUÝ-da «Ónegeli ómir» serııasymen jaryqqa shyqqan 19-shy kitap bolyp otyr. Buǵan deıin - S. Zımanov, Q. Bekhojın, Ó. Joldasbekov, O. Súleımenov, Á. Bekturov, Ó. Sultanǵazın, B. Birimjanov, E. Ysmaıylov, K. Smaıylov, A. Mamytov, T. Amandosov, M. Ájenov, T. Kákishev, S. Sartaev, M. Barmanqulov, Z. Qabdolov, L. Rústemov, Á.Nurshaıyqov týraly eńbekter jaryq kórgen bolatyn.
