One Direction tobynyń burynǵy múshesi qaıtys boldy

ASTANA. KAZINFORM – Brıtandyq ánshi, One Direction pop-tobynyń burynǵy múshesi Lıam Peın Argentınada óli kúıinde tabyldy, dep habarlaıdy VVS. 

Polıtsııanyń málimetinshe, 31 jastaǵy mýzykant Býenos-Aırestegi Casa Sur qonaqúıiniń úshinshi qabatynan qulap ketken. Oqıǵa ornyna jedel qyzmet jetkende, Peın denesi qonaqúı aýlasynda jatqan.

«Gıtarashy, One Direction tobynyń burynǵy múshesi Palermo aımaǵyndaǵy qonaqúıdiń úshinshi qabatynan qulap qaıtys boldy», - delingen polıtsııa málimdemesinde.

Bılik buǵan deıin «agressııa tanytqan jáne esirtki nemese alkogoldik mas kúıinde bolýy múmkin er adam» týraly qońyraý túskenin atap ótti.

Býenos-Aıres jedel járdem qyzmetiniń basshysy Alberto Kresentı jergilikti BAQ-qa bergen suhbatynda mýzykant joǵary qabattan qulaý saldarynan «ólimge ákelgen jaraqat» alǵanyn rastady.