Óndirýshilerdi saýda jelilerimen baılanystyrý: QazTrade Retail platformasy qosylady
ASTANA. KAZINFORM – El boıynsha jyl saıyn 10 myńnan astam jármeńke ótkiziledi. Bul týraly Úkimet otyrysynda Saýda jáne ıntegratsııa mınıstri Arman Shaqqalıev málim etti.
- Іri saýda obektileri men bazarlar úshin jaldaý aqysyn qalyptastyrýdyń ashyq erejeleri belgilendi. Ony jylyna bir ret ǵana qaıta qaraýǵa bolady. Jyl sońyna deıin otandyq óndirýshilerdi saýda jelilerimen tikeleı baılanystyratyn QazTrade Retail tsıfrlyq platformasyn iske qosý josparlanǵan, - dedi A.Shaqqalıev.
Onyń aıtýynsha, el boıynsha jyl saıyn 10 myńnan astam jármeńke ótkiziledi. Jyl basynan beri 4600 jármeńke uıymdastyryldy.
- Otandyq óndirýshilerge aýyl sharýashylyǵy jármeńkelerindegi saýda oryndary tegin beriledi, - dedi mınıstr.
Aıta keteıik, Qazaqstanda shilde aıynyń qorytyndysy boıynsha áleýmettik mańyzy bar azyq-túlik taýarlarynyń baǵasy 0,3% tómendedi.
