Óndirýshiden tutynýshyǵa deıin: taýar saýdasy qalaı tsıfrlandyrylyp jatyr

ASTANA. KAZINFORM — Otandyq taýarlar saýdasyn ilgeriletý maqsatynda ulttyq taýarlar katalogi jáne elektrondyq taýarlar katalogi qurylady. Bul týraly Saýda jáne ıntegratsııa mınıstri Arman Shaqqalıev málim etti.

— «Saýdanyń tsıfrlyq aına» modeli óndirýshiden tutynýshyǵa deıingi taýar qozǵalysynyń tolyq tsıfrlandyrdy. Bul model taýardyń kod berý men ákelýden bastap dúkendegi satylym men tutynýshyǵa jetkizilýine deıingi barlyq kezeńdi tirkep otyrady. Osylaısha biz taýardyń tutas tsıklin qamtıtyn tolyq tsıfrlyq ekojúıeni quramyz, — dep otyr Arman Shaqqalıev Úkimet otyrysynda.

Mınıstrdiń málimdeýinshe, qazir taýarlardy katalogqa engizý jáne kodtaý boıynsha is-sharalar iske asyrylyp jatyr. 

— Bul degenimiz taýarlar, jumys jáne qyzmettiń biryńǵaı klassıfıkatoryn jáne ulttyq taýarlar katalogin engizý. Bul júıe taýardy biregeı júıe boıynsha esepke alýǵa onyń ataýyn standarttaýǵa jáne óndirýshiden tutynýshyǵa deıin taýardy qadaǵalaýǵa múmkindik beredi. Bıyl taýardyń, jumystyń, kórsetiletin qyzmettiń jalpy klassıfıkatoryn júrgizý tártibin ulttyq taýarlar katalogtiń uǵymyn jáne mindetti túrde qoldanýdy kózdeıtin qajetti zańnamalyq normalar qabyldandy. Qazir klassıfıkatsııa 1,3 mıllıon taýarǵa jasaldy. «Ulttyq taýarlar katalogi» men «Elektrondyq taýarlar kataloginiń» jumysy aıaqtalýǵa jaqyn, — deıdi ol.

Búgin Úkimette saýda salasyn tsıfrlyq transformatsııalaý barysy men damý bolashaǵy talqylanyp jatyr.