Óndiristik jaraqattaný kórsetkishi eń joǵary óńirler ataldy
ASTANA. KAZINFORM — Qazaqstandada 2025 jyly 2024 jylmen salystyrǵanda óndiristegi jaraqattaný deńgeıi 5,8% tómendep, 2 328 jazataıym oqıǵa tirkeldi, dep habarlaıdy Ulttyq statıstıka bıýrosynyń baspasóz qyzmeti.
Óndiriste jaraqattanýdyń eń joǵary deńgeıi Shyǵys Qazaqstan oblysynda saqtalyp otyr. 2025 jyly bul óńirde 287 jazataıym oqıǵa tirkeldi, bul jalpy kórsetkishtiń 12,3%-yna teń.
Ekinshi orynda Qaraǵandy oblysy tur, onda óndiriste 277 adam zardap shekti, bul — jalpy jazataıym oqıǵalardyń 11,9%.
Jazataıym oqıǵalar kezinde zardap shekkenderdiń eń kóp úlesi óńdeý ónerkásibinde (255 adam), taý-ken ónerkásibinde (130 adam) jáne qurylysta (18 adam) tirkeldi.
Esepti jyly eń kóp taralǵan kásiptik aýrýlar qatarynda dorsalgııa (116 adam) jáne bel jáne omyrtqaaralyq dıskilerdiń zaqymdanýy, radıkýlopatııamen qatar júretin jaǵdaılar (183 adam) anyqtaldy.
Jazataıym oqıǵalar saldarynan zardap shekkenderdiń basym bóligi 30-45 jas aralyǵyndaǵy bilikti jumysshylar.
