Óndiristik qarasoradan esirtki óndirip júrmeı me? — AShM jaýaby

ASTANA. KAZINFORM — Elimizde tehnıkalyq qarasora ósirýge 4 lıtsenzııa berildi. «Bundaı qarasoradan esirtki óndirý qaýpi bar ma?» degen saýalǵa QR AShM basshylyǵy jaýap berdi.

— Ósirilgeli otyrǵan qarasora — tehnıkalyq ósimdik. Búgingi tańda QR ІІM 4 lıtsenzııa berdi, — dedi ol Úkimet otyrysynan keıingi baspasóz máslıhatynda.

Bul saýalǵa jaýapty AShM vıtse-mınıstri Azat Sultanov tolyqtyrdy. 

— Qazaqstan aýmaǵynda ósirýge ruqsat beriletin qarasoralardyń surpy baqylaýda bolady. Birinshi kezekte esirtki jasalatyn jáne medıtsınalyq suryptardyń ósirilýine ruqsat berilmeıdi. Bul tehnıkalyq qara sora, onyń quramynda TGK (tetragıdrokannabınol) óte tómen ne múlde joq. Ekinshiden, óndiristik kezeńde sot saraptamasy tarapynan tekserý júrgiziledi. Úshinshiden, qaıta óńdeýge túsken kezde taǵy da sot saraptamasy jasalady. Osynyń arqasynda birde-bir gramm esirtki óndiriske túspeıdi. Bundaı qarasorany ósirý kezinde de ІІM tarapynan baqylaý bolady. Al ósimdik quramynan esirtki belgileri baıqalsa, ol birden joıylatyn bolady. Osylaısha memleket tarapynana 4 kezeńdik baqylaý júrgiziledi. Sondyqtan qaýip joq, — dedi ol.

Eske salsaq, buǵan deıin Májiliste qarasorany óndiristik maqsatta paıdalanýǵa ruqsat beretin zań jobasy maquldanǵanyn jazǵan edik.