Óndiriste jaraqat alý deregin jasyrý qaı óńirde jıi anyqtalady
ASTANA. KAZINFORM — Búgin Úkimet otyrysynda Eńbek jáne halyqty áleýmettik qorǵaý mınıstri Asqarbek Ertaev óndiristik jaqarattaný derekterin anyqtaý máselesine qatysty túsinik berdi.
- Óndiristik jaraqattanýdy jasyrý - eńbek qaýipsizdigine áser etetin máseleniń biri. Ol jumys berýshilerdiń jaýapkershilikten jaltarýyna, jumyskerdiń áleýmettik qorǵalmaýyna, kepildi áleýmettik tólemderdiń bolmaýyna ákeledi. 2026 jylǵy 1 mamyrdaǵy jaǵdaı boıynsha Qazaqstanda jumys berýshilerdiń óndiristik jaraqatty jasyrýy týraly 39 fakti tirkelgen, - A. Ertaev.
Onyń sózine qaraǵanda, ekonomıka salalary boıynsha jasyrylǵan jaraqattaný faktileriniń deni – qyzmet kórsetý salasynda – 18 jaǵdaı, óńdeýshi ónerkásipte jáne qurylys salasynda 5 jaǵdaıdan tirkelgen.
- Óńirler arasynda jasyrylǵan jaraqattanýdyń eń kóbi Atyraý oblysynda – 10 jaǵdaı tirkeldi, Astana qalasynda – 7 jaǵdaı, Aqmola oblysynda 6 jaǵdaı oryn alǵan, - dedi mınıstr.
Budan buryn habarlanǵandaı, Qazaqstanda jumysshylardy sútpen jáne emdik-profılaktıkalyq taǵammen qamtamasyz etý qaǵıdalaryna ózgerister engiziledi.
