Óndirýshi ishinen qaýyrsyn shyqqan shujyq týraly vıdeoǵa qatysty pikirin bildirdi
KÓKShETAÝ. QazAqparat - Astanalyq "Mıasnye vremena" shujyǵyn óndirýshi ishinen qus qaýyrsyny shyqqan halal shujyǵy týraly jarııalanǵan vıdeoǵa qatysty pikirin bildirdi, dep habarlaıdy "QazAqparat" HAA tilshisi.
«Biz ózimizdiń tsehta tergeý júrgizdik. Shujyqty kesip, beıne taspaǵa túsirdik, arasynda qaýyrsyn joq.
Men vıdeony taratýshymen habarlastym, olar iri kólemde aqsha suraıdy. Meniń oıymsha olar bul vıdeony paıda tabý úshin túsirgen. Telefon jazbasy bizde bar. Óıtkeni, basshylyqqa, dúkenge shujyqty əkelip, kórsetken joq.
Oǵan qosa, olar shujyqtyń kesilgen bóligi, logotıpi bar oń jaq tusyn kespeı, logotıpi joq tusyn kesýde. Bul bizge kúdik týdyryp otyr", dedi «Mıasnye vremena» shujyq tsehynyń dırektory Anton Pıarn QazAqparat" HAA tilshisine.
Onyń túsindirýi boıynsha, qazirgi kezde sýpermarket «Mıasnye vremena» ónimderiniń barlyǵyn saýdadan alyp tastaǵan.
"Bizdiń kólik tańǵy 7-de Kókshetaýǵa jolǵa shyqty. «Small» sýpermarketi bizdiń ónimdi saýdadan alyp tastady. Barlyq ónimdi zertteımiz, sodan keıin ǵana atalǵan oqıǵany teriske shyǵaratyn bolamyz", dep atap ótti ol.
Vıdeo Kókshetaýda túsirilip, WhatsApp əleýmettik jelisi arqyly taratylǵan. Vıdeo avtory «Halal» belgisi bar «Mıasnye vremena» brend shujyǵyn jergilikti sýpermarketten alǵanyn aıtýda. Úıine kelgennen soń, er adam əıeli ekeýi shujyqtan qustyń qaýyrsynyn anyqtaǵan.
«Dırektorǵa (sýpermarket) qońyraý shalyp, osy shujyqpen búkil Kókshetaýdy tamaqtandyrmas úshin sóreden alyp tastaýdy ótindik. Mundaı bizde birinshi ret kezdesip otyr. Men mundaıdy osyǵan deıin Internetten ǵana kórdim", deıdi tutynýshy.
