Óndiristik ekologııalyq baqylaý nátıjeleri boıynsha eseptemege qoıylatyn talaptar bekitildi - Qorshaǵan ortany qorǵaý mınıstrligi

QazAqparat osy qujattyń mátinin taratady.

Qazaqstan Respýblıkasy Qorshaǵan ortany qorǵaý mınıstrliginiń buıryǵy №16

2013 jylǵy 14 aqpan Astana qalasy

Óndiristik ekologııalyq baqylaý nátıjeleri boıynsha eseptemege qoıylatyn talaptardy bekitý týraly

Qazaqstan Respýblıkasy Ekologııalyq kodeksiniń 17-baptyń 30)- tarmaqshasyna saı buıyra­myn:

1. Buıryqqa qosa tirkelgen óndiristik ekologııalyq baqylaý nátıjeleri boıynsha eseptemege qoıylatyn talaptar bekitilsin.

2. «Óndiristik ekologııalyq baqylaý Baǵdarlamasyn jáne óndiristik ekologııalyq baqylaý nátıjeleri boıynsha eseptemege qoıylatyn talaptardy uıǵarý erejelerin bekitý týraly» Qazaqstan Respýblıkasy Qorshaǵan ortany qorǵaý mınıstrliginiń 2007 jylǵy 24 sáýirdegi № 123- buıryǵy (Normatıvtik quqyqtyq aktilerin memlekettik tirkeý tiziliminde 2007 jylǵy 8 maýsymdaǵy № 4714 tirkelgen, 2007 jylǵy 1 tamyz № 116 (1145) «Zań gazeti» gazetinde jarııalanǵan) kúshi joıylsyn.

3. Ekologııalyq retteý jáne baqylaý komıteti osy buıryqtyń zańnamada belgilengen tártipke sáıkes Qazaqstan Respýblıkasy Ádilet mınıstrliginde memlekettik tirkelýin jáne onyń buqaralyq aqparat quraldarynda resmı jarııalanýyn qamtamasyz etsin.

4. Osy buıryq alǵashqy resmı jarııalanǵannan bastap on kúntizbelik kún ótkennen keıin qoldanysqa engiziledi.

Mınıstr N. Qapparov.

Qosymsha mátini respýblıkalyq BAQ-tarda jarııalandy.