Óndiristi jańǵyrtý jobalaryna grant berilmek
«Ózderińizge belgili, bıyldan bastap biz Dúnıejúzilik saýda uıymynyń sharttaryna baılanysty jergilikti qamtýdy damytý jónindegi jumysty qaıta formattaýymyz kerek. Osyǵan baılanysty «el ishindegi qundylyq» degen jańa uǵym engiziledi», - deıdi Indýstrııa jáne ınfraqurylymdyq damý mınıstrliginiń departament dırektory Laýra Sadykova.
Vedomstvo ókili ónerkásip salasyndaǵy satyp alýlarda ulttyq standarttardyń qoldanylýyn monıtorıngteý arqyly ishki suranysty qamtamasyz etý júıesi jasalatynyn atap ótti.
«Shıkizatty qaıta óńdeýdi tereńdetý úshin Qazaqstan aýmaǵynda óndirilmeıtin shıkizat pen jınaqtaýyshtardy bajdan bosatýdy kózdeıtin Strategııalyq ónim tizbesin engizý kózdelip otyr. Jabdyqtardy jańǵyrtý jáne shyǵyndardy birlesip qarjylandyrý arqyly jańa óndiris qurý maqsatynda ónerkásiptik grantty bekitý kózdelgen. Bul da yntalandyrýdyń jańa quraly», - dedi Laýra Sadyqova.
