Óndiristerdiń josparlanǵan qýatyna kóshýi úshin oblys ákimderi men Úkimet birlese tıisti jumystardy atqarýy kerek - Elbasy
«Úlken óndiristerdi salyp jatyrmyz. Onyń barlyǵy Qazaqstannyń bolashaǵyna jumys isteıtin bolady. Qazirgi salynyp jatqan óndirister erteńgi kúni ekonomıkamyzǵa aýqymdy taýarlardy quıatyn bolady, Qazaqstannyń eksportyn ulǵaıtýǵa úles qosady. Osy oraıda halqymyzǵa jańa jumys oryndary ashylady. Qıyn-qystaý jaǵdaıda júzege asyryp jatqan bizdiń barlyq sharalarymyz eldiń ıgiligi úshin jumys istep jatyr»,-dedi Elbasy.
Osy oraıda Prezıdent elimizdegi baǵdarlamalar oryndalyp jatqandyǵyn atap ótti.
«Ótken 5 jylda 4,5 trln. teńgeniń ónimi óndirildi. Jańadan salynǵan óndirister ekonomıkamyzǵa paıdasyn tıgizip jatyr», -dep toqtaldy Memleket basshysy.
Sonymen qatar Elbasy paıdalanýǵa berilgen jáne iske qosylatyn óndiristerdiń barlyǵy josparlanǵan qýatyna kóshýi úshin barlyq oblystardyń ákimderi men Úkimet birlese tıisti jumystardy atqarýy kerektigin tapsyrdy.
Bul turǵyda N. Nazarbaev búginde munaı men metaldar baǵasynyń tómendeýi saldarynan bolyp jatqan keri áserdi iske qosylǵan óndiristerdiń ónimdiliginiń arqasynda ekonomıkany damytý arqyly eńserý kerektigin tapsyrdy.
